2019 jyldan bastap Qazaqstanda birjolǵy qatynaý múmkindigi bar vizany elektrondy formatta alý júiesi pilottyq rejimde jumys jasai bastady. Elektrondy viza vizaly-migratsiialyq portal arqyly rásimdeledi.
Qazaqstan Respýblikasy Ishki ister ministrliginiń kóshi-qon qyzmeti komitetiniń málimetinshe, elektrondy viza qazaqstandyq taraptyń kóshi-qon qyzmeti bólimderinde arnaiy shaqyrtý negizinde beriledi.
Elektrondy vizalar týristik baǵytta 117 eldiń, al iskerlik jáne emdelý maqsatynda 23 memlekettiń azamattaryna beriledi.
Elektrondy vizanyń jaramdylyǵy tek vizany alýǵa ǵana qatysty jáne de konsýldyq tólem keri qaityrylmaidy.
Vizaǵa ótinish berýshiniń pasporty túpnusqa bolýy tiis. Sonymen qatar shet el azamatynyń qujatynda eki taza bet bolýy kerek. Al onyń jaramdylyq ýaqyty qoldanylý ýaqytynan erte ne úsh ai buryn bitýi qajet.
QR Syrtqy ister ministrliginiń habarlaýynsha, shet el azamattary jaramdy elektrondyq vizamen el aýmaǵyna Almaty jáne Nur-Sultan qalalaryndaǵy halyqaralyq áýejailardyń baqylaý-ótkizý pýnktteri arqyly kirip-shyǵý múmkindigine ie.
Qabyldap alýshy azamattar kelip ketýshiler týraly aqparatty kóshi-qon qyzmeti mekemelerine beredi. Iaǵni, olar sheteldikter kelgen kúnnen bastap úsh jumys kúni aralyǵynda habar berýi qajet.
Elektrondy vizany alýǵa nietti tulǵalar QR SIM saitynan qajetti málimetter ala alady. Portaldan vizany rásimdeý joldary men viza alatyn elder týraly keńirek aqparat alýǵa bolady.
Aita ketsek, Elbasy N.Nazarbaev Úkimetke viza máselelerin jeńildetýge qatysty keshendi sharalar qabyldaýdy tapsyrǵan bolatyn. 2019 jylǵy 1 qańtardan bastap Qazaqstan Respýblikasyndaǵy sheteldikter bir rettik vizany elektrondyq formatta ala alady.
Elektrondy vizalardy engizý «Tsifrly Qazaqstan» memlekettik baǵdarlamasy aiasynda júzege asyp jatyr. Bul baǵytta Birikken Arab Ámirli men Estoniia elderiniń tájiribesi negizge alynǵan.
