Foto: ashyq derekkóz
Qazaqstan Úkimetiniń músheleri, zań qabyldanǵan jaǵdaida, ózderiniń baspanalaryn jalǵa berýge quqyq alady, dep habarlaidy "Ult aqparat". Bul ózgeris Májiliste birinshi oqylymda maquldanǵan zań jobasynda qarastyrylǵan.
Zańǵa engizilgen ózgeristerge sáikes, «Sybailas jemqorlyqqa qarsy is-qimyl týraly» zańda memlekettik qyzmetshiler men olarǵa teńestirilgen tulǵalarǵa senimgerlik basqarýǵa berilgen múlikten kiris alý quqyǵy beriledi. Mundai norma qazirdiń ózinde «Memlekettik qyzmet týraly» zańda bar jáne qoldanysta. Alaida, «Úkimet týraly» Konstitýtsiialyq zańda jáne «Sybailas jemqorlyqqa qarsy is-qimyl týraly» zańda bul máselege tyiym salynbaǵan. Osyǵan bailanysty, «Memlekettik qyzmet týraly» zańǵa engizilgen ózgerister boiynsha Úkimet múshelerine tiesili turǵyn úilerdi jalǵa berýge shekteý alynyp tastalady.
Sybailas jemqorlyqqa qarsy is-qimyl agenttigi tóraǵasynyń birinshi orynbasary Ulan Sarqulovtyń aitýynsha, bul túzetýler úkimet músheleriniń turǵyn úilerin jalǵa berip, sol qyzmetten kiris alýyna múmkindik beredi.
