Elimizde turǵyn úi qurylysy salasyna baǵyttalǵan investitsiia kólemi ósti. Bul týraly QR Indýstriia jáne infraqurylymdyq damý birinshi vitse-ministri Qaiyrbek Óskenbaev aitty, dep habarlaidy QazAqparat.
«Qazaqstanda sońǵy 2 jyl ishinde turǵyn úi qurylysyna quiylatyn investitsiia kólemi kúrt ósti. Statistikaǵa júginsek, 2019 jyldyń mamyr aiynda investitsiia kólemi 432 mlrd teńge, al biyl mamyr ai boiynsha 732 mlrd teńgeni qurap otyr. Bul degenimiz 2 jyl ishinde turǵyn úi qurylysy salasyna investitsiia 1,7 esege artty. Biyl atalǵan salaǵa investitsiianyń artýyna taǵy bir sebep zeinetaqy jinaǵyn baspana alý maqsatynda qoldanýǵa ruqsattyń berilýi. Maýsym aiynda elimizde turǵyn úi baǵasy turaqtana bastady, oǵan sebep zeinetaqy jiǵanynyń jappai qoldanylyp bolýy», - dedi Q. Óskenbaev OKQ-de ótken baspasóz máslihatynda.
Onyń aitýynsha, turǵyn úige suranystyń artýy qurylys materialdarynyń tapshylyǵy men onyń baǵasynyń ósýine alyp keldi.
«Otandyq qurylys materialdaryn óndirýshiler keń kólemdi suranysqa tótep bere almady. Saldary baǵanyń ósýine alyp keldi. Qazirgi otandyq óndirýshiler ishki naryqty beton, tsement, qabyrǵa materialdarymen tolyqtai qamtamasyz etip otyr. Mysaly, elimizde armatýr óndiretin 9 ónerkásip jumys isteidi, onyń qýaty jylyna 1,9 tonnany qurasa, ishki naryqtaǵy armatýrǵa suranys 1,2 mln tonnany qajet etedi», - deidi ol.
