Elimizde tumaýǵa qarsy ekpe merzimnen eki apta buryn bastalady. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy "Ult aqparat".
«SQ-Farmatsiia» biryńǵai distribiýtory tumaýǵa qarsy ekpeniń 2 mln-nan astam dozasyn satyp aldy. Bul shamamen halyqtyń 11 paiyzyn qamtýǵa jetkilikti. Sonymen qatar densaýlyq saqtaý basqarmalary qosymsha 753 900 dozaǵa tapsyrys berdi», - dedi ol Ortalyq kommýnikatsiialar qyzmetindegi baspasóz máslihatynda.
Onyń dereginshe, elimizde tumaýǵa qarsy ekpe 15 qyrkúiekten bastalady
«Iaǵni ádettegi merzimnen eki apta erterek. Bul epidemiologiialyq maýsymda týyndaityn tumaý sekildi aýrýlarǵa qarsy myqty immýnitet qalyptastyrýǵa septigin tigizedi. Esterińizge salaiyn, tumaýǵa qarsy ekpeniń kúshi 6 aidan 12 aiǵa deiin saqtalady. Maýsymdyq tumaýǵa qarsy halyqqa ekpe jasaý úshin 5 myńnan astam egý kabineti daiyndaldy. Qosymsha ekpe salatyn mamandar oqytylýda. 1 myńnan astam seminar ótkizildi. Nátijesinde 7 myńnan astam dáriger men 15 myńǵa jýyq kishi jáne orta býyn qyzmetker daiarlyqtan ótti», - dedi Baǵdat Qojahmetov.
