ەلٸمٸزدە تۇماۋعا قارسى ەكپە مەرزٸمنەن ەكٸ اپتا بۇرىن باستالادى. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتتى, دەپ حابارلايدى "ۇلت اقپارات".
«سق-فارماتسييا» بٸرىڭعاي ديستريبيۋتورى تۇماۋعا قارسى ەكپەنٸڭ 2 ملن-نان استام دوزاسىن ساتىپ الدى. بۇل شامامەن حالىقتىڭ 11 پايىزىن قامتۋعا جەتكٸلٸكتٸ. سونىمەن قاتار دەنساۋلىق ساقتاۋ باسقارمالارى قوسىمشا 753 900 دوزاعا تاپسىرىس بەردٸ», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ دەرەگٸنشە, ەلٸمٸزدە تۇماۋعا قارسى ەكپە 15 قىركٷيەكتەن باستالادى
«ياعني ەدەتتەگٸ مەرزٸمنەن ەكٸ اپتا ەرتەرەك. بۇل ەپيدەميولوگييالىق ماۋسىمدا تۋىندايتىن تۇماۋ سەكٸلدٸ اۋرۋلارعا قارسى مىقتى يممۋنيتەت قالىپتاستىرۋعا سەپتٸگٸن تيگٸزەدٸ. ەستەرٸڭٸزگە سالايىن, تۇماۋعا قارسى ەكپەنٸڭ كٷشٸ 6 ايدان 12 ايعا دەيٸن ساقتالادى. ماۋسىمدىق تۇماۋعا قارسى حالىققا ەكپە جاساۋ ٷشٸن 5 مىڭنان استام ەگۋ كابينەتٸ دايىندالدى. قوسىمشا ەكپە سالاتىن ماماندار وقىتىلۋدا. 1 مىڭنان استام سەمينار ٶتكٸزٸلدٸ. نەتيجەسٸندە 7 مىڭنان استام دەرٸگەر مەن 15 مىڭعا جۋىق كٸشٸ جەنە ورتا بۋىن قىزمەتكەر دايارلىقتان ٶتتٸ», - دەدٸ باعدات قوجاحمەتوۆ.
