Tamyzda aiynda ortasha aýa temperatýrasy elimizdiń soltústik-batys bóliginde klimattyq normada, al ońtústik-shyǵys bóliginde normadan 1°S joǵary bolady. Bul týraly «Qazgidromet» RMK habarlady.
Jaýyn-shashyn mólsheri respýblikanyń basym bóliginde normaǵa jýyq, ortalyq, ońtústik, ońtústik-shyǵys jáne shyǵysta normadan tómen bolady.
Birinshi onkúndikte tsiklonnyń yqpalymen respýblikanyń basym bóliginde kún kúrkirep, kei jerlerde qatty jańbyr jaýady, sondai-aq jel kúsheiedi. Respýblikanyń tek ońtústiginde ǵana kún ashyq bolady.
Birinshi onkúndikte batysta, soltústik-batysta aýa temperatýrasy 15-25 gradýs, soltústikte 17-25 gradýs, ortalyqta 25-33 gradýs, shyǵysta 30-38 gradýs, ońtústikte jáne ońtústik-shyǵysta 30-38 gradýs bolady.
Al, aidyń basynda jyly aýa massalarynyń aýysyna bailanysty kún bulttanyp, aýa temperatýrasy kóteriledi. Batysta, soltústik-batysta temperatýra 23-31 gradýs, soltústikte 25-33 gradýs, ortalyq pen shyǵysta 33-39 gradýs, kei jerlerde 41 gradýsqa deiin ystyq bolady. Ońtústik jáne ońtústik-shyǵysta 33-39 gradýsqa deiin, kei jerlerde 43 gradýsqa deiin ystyq bolýy yqtimal.
