تامىزدا ايىندا ورتاشا اۋا تەمپەراتۋراسى ەلٸمٸزدٸڭ سولتٷستٸك-باتىس بٶلٸگٸندە كليماتتىق نورمادا, ال وڭتٷستٸك-شىعىس بٶلٸگٸندە نورمادان 1°س جوعارى بولادى. بۇل تۋرالى «قازگيدرومەت» رمك حابارلادى.
جاۋىن-شاشىن مٶلشەرٸ رەسپۋبليكانىڭ باسىم بٶلٸگٸندە نورماعا جۋىق, ورتالىق, وڭتٷستٸك, وڭتٷستٸك-شىعىس جەنە شىعىستا نورمادان تٶمەن بولادى.
بٸرٸنشٸ ونكٷندٸكتە تسيكلوننىڭ ىقپالىمەن رەسپۋبليكانىڭ باسىم بٶلٸگٸندە كٷن كٷركٸرەپ, كەي جەرلەردە قاتتى جاڭبىر جاۋادى, سونداي-اق جەل كٷشەيەدٸ. رەسپۋبليكانىڭ تەك وڭتٷستٸگٸندە عانا كٷن اشىق بولادى.
بٸرٸنشٸ ونكٷندٸكتە باتىستا, سولتٷستٸك-باتىستا اۋا تەمپەراتۋراسى 15-25 گرادۋس, سولتٷستٸكتە 17-25 گرادۋس, ورتالىقتا 25-33 گرادۋس, شىعىستا 30-38 گرادۋس, وڭتٷستٸكتە جەنە وڭتٷستٸك-شىعىستا 30-38 گرادۋس بولادى.
ال, ايدىڭ باسىندا جىلى اۋا ماسسالارىنىڭ اۋىسىنا بايلانىستى كٷن بۇلتتانىپ, اۋا تەمپەراتۋراسى كٶتەرٸلەدٸ. باتىستا, سولتٷستٸك-باتىستا تەمپەراتۋرا 23-31 گرادۋس, سولتٷستٸكتە 25-33 گرادۋس, ورتالىق پەن شىعىستا 33-39 گرادۋس, كەي جەرلەردە 41 گرادۋسقا دەيٸن ىستىق بولادى. وڭتٷستٸك جەنە وڭتٷستٸك-شىعىستا 33-39 گرادۋسقا دەيٸن, كەي جەرلەردە 43 گرادۋسقا دەيٸن ىستىق بولۋى ىقتيمال.
