Osy jyldyń tórt aiynda aýyl sharýashylyǵy óniminiń kólemi 3% ulǵaiyp, 831,2 mlrd teńgeni qurady. Bul týraly Úkimet otyrysynda QR Aýyl sharýashylyǵy ministri Saparhan Omarov aitty, dep habarlaidy "Ult aqparat".
«Osy jyldyń tórt aiynda aýyl sharýashylyǵy óniminiń kólemi 3% ulǵaiyp, 831,2 mlrd teńgeni qurady. Bul ósim negizinen mal sharýashylyǵyndaǵy óndiris kóleminiń 3,2% ulǵaiýy esebinen qamtamasyz etildi. Máselen, et óndirý kólemi tirilei salmaqta 5,3%, sút 3,4% ósti. 44,8 mlrd teńgege ósimdik sharýashylyǵy óndirilip, jospar 100% oryndaldy», - deidi Saparhan Omarov.
Onyń aitýynsha, oblystar bólinisinde respýblikalyq deńgeiden joǵary qarqyn 4 oblysta baiqalady.
Olar - Aqmola (114%), Qaraǵandy (104,5%), Pavlodar (104,1%) jáne Jambyl oblystary (103,1%).
«Al tamaq óndirý kólemi 3,9% ósti. Aýyl sharýashylyǵynyń negizgi kapitalyna salynǵan investitsiia kólemi 66,1% ulǵaisa, tamaq ónimderi óndirisine salynǵan investitsiia 37,3% artty», - deidi ol.
