Qazaqstanda tabysy az otbasylardyń kásipkerlik daǵdylaryn damytý jobasy bastalady, dep habarlaidy "Ult aqparat".
«Qazaqstannyń barlyq óńirlerinde az qamtylǵan, kóp balaly jáne múgedek balalardy tárbielep otyrǵan otbasylardyń kásipkerlik daǵdylaryn damytýǵa jáne olardyń óz isin ashýyna qoldaý kórsetýge baǵyttalǵan «Meniń kásibim» atty joba iske qosylady. Bul jobany jergilikti atqarýshy organdardyń qoldaýymen onyń avtory Aijan Nurlanova júzege asyrady. Jalpy úilestirýdi QR Eńbek jáne halyqty áleýmettik qorǵaý ministrligi júrgizedi», - delingen Eńbek ministrligi taratqan aqparatta.
Vedomstvo málimetinshe, 20 qyrkúiekte Almaty ákimdigi men «Meniń kásibim» jobasynyń avtory Aijani Nurlanova arasynda alǵashqy tiisti memorandýmǵa qol qoiý josparlanǵan.
Aldaǵy ýaqytta osyndai memorandýmdar barlyq oblystardyń, respýblikalyq mańyzy bar qalalardyń jáne elordanyń ákimdikterimen jasalady.
Joba aiasynda joba avtory muqtaj azamattarǵa qajetti múkámmal, qural-jabdyqtar men materialdardy usyný arqyly úi biznesin júrgizýge kómek kórsetiledi.
Bul jobany Aijani Nurlanova ilki rejimde Mańǵystaý oblysynda sátti júzege asyrdy. Atalǵan óńirde 250-ge jýyq adam jeke kásipkerlik júrgizýdiń negizgi daǵdylaryn oqyp, jeke isterin ashty.
