Sýret: ashyq derekkóz
Qazaqstanda sý aidyndarynda qaza tapqandardyń sany kúnnen-kúnge kóbeiip jatyr. Alaida balalar óliminiń kúrt ósýi úlken alańdaýshylyq týdyrady.
Jazataiym oqiǵalar demalys kúnderi jii kezdesedi. Qaýipsizdik erejelerin elemeý, jabdyqtalmaǵan jerlerde shomylý jáne balalardy nazardan tys qaldyrý kóbinese qaiǵyly jaǵdaiǵa ákelip jatyr. Máselen, shomylý maýsymy bastalǵannan beri 85 adam, onyń ishinde 35 bala sýǵa batyp ketti.
"TJM qazaqstandyqtardy sýdaǵy qaýipsizdik erejelerin saqtaýǵa shaqyrady. Tyiym salynǵan jerlerde shomylý ómirge qaýip tóndirip qana qoimai, aiyppul túrinde ákimshilik jaýapkershilikke ákeledi. Tek ákimshilik quqyq buzýshylyq týraly kodekstiń 412-baby boiynsha 721 qazaqstandyqqa 18 million teńgeden astam somaǵa aiyppul salyndy", - delingen Tótenshe jaǵdailar ministrligi habarlamasynda.
Ministrliktiń halyqty qorǵaý boiynsha qabyldaǵan sharalary óz tiimdiligin kórsetip jatyr. Oǵan dálel, 45 kúnniń ishinde qutqarýshylar 153 adamnyń, onyń ishinde 38 balanyń qaza bolýyna jol bermedi.
