Qazaqstanda politsiia qyzmetkerlerin kezekten tys attestattaý 2019 jylǵy 1 qazanda bastalady. QR Prezidenti osyndai Jarlyqqa qol qoidy, dep habarlaidy "Ult aqparat" Aqordanyń baspasóz qyzmetine silteme jasap.
QR Prezidenti Qasym-Jomart Toqaev «Qazaqstan Respýblikasy ishki ister organdarynyń politsiia qyzmetkerlerin kezekten tys attestattaýdan ótkizý týraly» Qazaqstan Respýblikasy Prezidentiniń 2019 jylǵy 18 naýryzdaǵy № 879 Jarlyǵyna ózgeris engizý týraly qujatqa qol qoidy.
Jarlyqtyń tolyq mátini tómende:
QAÝLY ETEMIN:
1. «Qazaqstan Respýblikasy ishki ister organdarynyń politsiia qyzmetkerlerin kezekten tys attestattaýdan ótkizý týraly» Qazaqstan Respýblikasy Prezidentiniń 2019 jylǵy 18 naýryzdaǵy № 879 Jarlyǵyna mynadai ózgeris engizilsin:
3-tarmaq mynadai redaktsiiada jazylsyn:
«3. Qazaqstan Respýblikasy Prezidentiniń Ákimshiligi, Qazaqstan Respýblikasynyń Ishki ister ministrligi Qazaqstan Respýblikasy ishki ister organdarynyń politsiia qyzmetkerlerin kezekten tys attestattaýdy 2019 jylǵy 1 qazan men 2020 jylǵy 31 naýryz aralyǵynda ótkizsin, sondai-aq osy Jarlyqtan týyndaityn ózge de sharalardy qabyldasyn.».
2. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti Q.Toqaev
Nur-Sultan, Aqorda, 2019 jylǵy 2 sáýir
№ 15
