قازاقستاندا پوليتسييا قىزمەتكەرلەرٸن كەزەكتەن تىس اتتەستاتتاۋ 2019 جىلعى 1 قازاندا باستالادى. قر پرەزيدەنتٸ وسىنداي جارلىققا قول قويدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
قر پرەزيدەنتٸ قاسىم-جومارت توقاەۆ «قازاقستان رەسپۋبليكاسى ٸشكٸ ٸستەر ورگاندارىنىڭ پوليتسييا قىزمەتكەرلەرٸن كەزەكتەن تىس اتتەستاتتاۋدان ٶتكٸزۋ تۋرالى» قازاقستان رەسپۋبليكاسى پرەزيدەنتٸنٸڭ 2019 جىلعى 18 ناۋرىزداعى № 879 جارلىعىنا ٶزگەرٸس ەنگٸزۋ تۋرالى قۇجاتقا قول قويدى.
جارلىقتىڭ تولىق مەتٸنٸ تٶمەندە:
قاۋلى ەتەمٸن:
1. «قازاقستان رەسپۋبليكاسى ٸشكٸ ٸستەر ورگاندارىنىڭ پوليتسييا قىزمەتكەرلەرٸن كەزەكتەن تىس اتتەستاتتاۋدان ٶتكٸزۋ تۋرالى» قازاقستان رەسپۋبليكاسى پرەزيدەنتٸنٸڭ 2019 جىلعى 18 ناۋرىزداعى № 879 جارلىعىنا مىناداي ٶزگەرٸس ەنگٸزٸلسٸن:
3-تارماق مىناداي رەداكتسييادا جازىلسىن:
«3. قازاقستان رەسپۋبليكاسى پرەزيدەنتٸنٸڭ ەكٸمشٸلٸگٸ, قازاقستان رەسپۋبليكاسىنىڭ ٸشكٸ ٸستەر مينيسترلٸگٸ قازاقستان رەسپۋبليكاسى ٸشكٸ ٸستەر ورگاندارىنىڭ پوليتسييا قىزمەتكەرلەرٸن كەزەكتەن تىس اتتەستاتتاۋدى 2019 جىلعى 1 قازان مەن 2020 جىلعى 31 ناۋرىز ارالىعىندا ٶتكٸزسٸن, سونداي-اق وسى جارلىقتان تۋىندايتىن ٶزگە دە شارالاردى قابىلداسىن.».
2. وسى جارلىق قول قويىلعان كٷنٸنەن باستاپ قولدانىسقا ەنگٸزٸلەدٸ.
قازاقستان رەسپۋبليكاسىنىڭ
پرەزيدەنتٸ ق.توقاەۆ
نۇر-سۇلتان, اقوردا, 2019 جىلعى 2 سەۋٸر
№ 15
