Elimizde para almaq bolǵan jaǵdai týraly habarlaǵan adamǵa paranyń 10%-y beriledi. Bul týraly Finprom.kz habarlady.
Saýalnamaǵa sáikes, qazaqstandyqtardyń 31%-y eshqashan sybailas jemqorlyqqa qarsy qyzmetpen birge jumys istep kórmegen. Qazaqstandyqtardyń sybailas jemqorlyqpen belsendi kúreskeni úshin alatyn eń kóp somasy – 10,6 million teńge.
2020 jylǵy qańtar-aqpan ailarynda sybailas jemqorlyqqa qatysty 1255 qylmystyq is qaraldy. Bul ótken jyldyń sáikes kezeńimen salystyrǵanda 0,1% az kórsetkish. Onyń ishinde aýyr sybailas jemqorlyq qylmystar – 885, ortasha sybailas jemqorlyq qalmystar – 207.
QR Ulttyq ekonomika ministrliginiń janyndaǵy Statistika komitetiniń 2019 jyly júrgizgen statistikasy boiynsha, qazaqstandyqtardyń sybailas jemqorlyqqa qarsy qyzmetke degen senimi 16,1%-dan 25,1%-ǵa deiin artqan. Bul qyzmet túrine tolyq senbeitinderdiń qatary 4,1%-dan 1,6%-ǵa qysqarǵan.
Qazaqstan Respýblikasynyń sybailas jemqorlyqqa qarsy is-qimyl agenttiginiń qoldaýymen 2019 jyldyń 24 jeltoqsanynan 2020 jyldyń 2 qańtaryna deiin eldegi sybailas jemqorlyqty qabyldaý deńgeiiniń jáne azamattardyń ar-uiat áleýetin zertteý jumystary júrgizilgen.
Qazaqstan boiynsha 18 jastan asqan 58 myńnan astam adam saýalnamaǵa qatysqan. Respondentterdiń 30,8%-y sybailas jemqorlyqqa qarsy is-sharalarǵa erikti retinde qatysýǵa daiyn ekenin bildirse, 63%-y sybailas jemqorlyqqa qarsy sharalarǵa jalpy qatysýǵa daiyn ekenin bildirgen.
