QR Eńbek jáne halyqty áleýmettik qorǵaý ministrligi ortasha jalaqyny esepteýdiń biryńǵai erejelerine ózgerister engizetin buiryq jobasyn «Ashyq úkimet» portalyna shyǵardy, dep habarlaidy QazAqparat.
Eń alǵashqy ógertý qoldanystaǵy qujattyń 7-tarmaǵyna engizilmekshi.
«Qyzmetkerdiń ortasha jalaqysy ortasha kúndik (saǵattyq) jalaqyny bes kúndik nemese alty kúndik jumys aptasyndaǵy jumys ýaqytynyń balansyna qarai oqiǵa kezeńine sáikes keletin jumys kúnderiniń (jumys saǵattarynyń) sanyna kóbeitý jolymen esepteledi», - delingen buiryq jobasynda.
Osylaisha, jumys ýaqytynyń jiyntyq esebi qyzmetkerdiń ortasha jalaqysy ortasha saǵattyq jalaqyny ortasha jyldyq jumys saǵattarynyń sanyna kóbeitý jolymen esepteledi
Ortasha jalaqyny esepteý kezinde eskerilmeitin tólemderge mynalar jatady:
- jyl saiynǵy aqyly eńbek demalysynyń paidalanylmaǵan bóligi úshin beriletin ótemaqy;
- eńbekke ýaqytsha qabiletsizdigi boiynsha áleýmettik járdemaqy, sondai-aq jumys berýshi belgileitin áleýmettik járdemaqy mólsherine qosymsha tólemder;
- eńbek demalysyn berý kezinde qyzmetkerlerge tólenetin jyl saiynǵy eńbek demalysy;
- qyzmettik issaparlarǵa jiberý ótemaqylary;
- turaqty jumysy jolda ótetin nemese júrip-turý sipaty bar ne qyzmet pen bailanysty ótemaqy tólemder;
- dalalyq jumystarmen ainalysatyn qyzmetkerlerge dalalyq jabdyqtalym;
- qyzmetker jumys berýshimen birge basqa jerge jumysqa aýysqan nemese kóshken kezde tólenetin ótemaqy;
- taraptardyń kelisimi negizinde qyzmetkerdiń (jeke tulǵanyń) jeke múlkin jumys babyna paidalaný kezindegi shyǵystardy óteý;
- berilgen súttiń nemese oǵan teńestirilgen tamaq ónimderiniń nemese dietalyq (emdik jáne profilaktikalyq) tamaqtanýǵa, arnaiy kiimge jáne basqa da jeke qorǵanysh quraldaryna arnalǵan mamandandyrylǵan ónimderdiń quny;
- qyzmetker eńbek mindetterin atqarǵan kezde onyń ómiri men densaýlyǵyna keltirilgen ziiandy óteý jónindegi tólemder (joǵaltylǵan jalaqysy bóligindegi tólemderden basqa);
- qyzmetkerlerge jumys berýshi kórsetetin materialdyq kómek (aqshalai járdemaqy) (bala týǵan kezde, meditsinalyq qyzmetterge aqy tóleý úshin, jerleýge jáne basqa da jaǵdailarda), sondai-aq jumys berýshiniń qarajaty esebinen ujymdyq shartta nemese jumys berýshiniń aktisinde qosymsha kózdelgen ótemaqylar men áleýmettik kepildikterdi tóleý;
- birjolǵy kótermeleý tólemderi (birjolǵy aqshalai syiaqyny qosa alǵanda);
- jumys berýshiniń kinásinen jalaqy tóleý keshiktirilgen kezde jáne mindetti zeinetaqy jarnalaryn ýaqtyly aýdarmaǵany úshin jumys berýshi jumyskerge tóleitin ósimpuldar;
- jumys berýshiniń qyzmetkerlerdi oqytýǵa jáne olardyń biliktiligin arttyrýǵa bailanysty shyǵystary;
- sporttyq baiqaýlarda, konkýrstarda jáne jarystarda júldeli oryndar úshin beriletin aqshalai nagradalar;
- qyzmetkerge memlekettik jáne qoǵamdyq mindetterdi oryndaý orny boiynsha tólengen jalaqy;
- Eńbek kodeksiniń 72-babyna sáikes kúndelikti jumysty (jumys aýysymyn) bólikterge bólý kezinde jumyskerlerge jumysy úshin ótemaqy tólemderi;
- balany tamaqtandyrýǵa arnalǵan úzilister ýaqytynda saqtalatyn ortasha jalaqy;
- bos turyp qalǵan jaǵdaida qyzmetkerlerge tólengen somalar.
«QR qoldanystaǵy Eńbek kodeksinde aýysymdyq jáne vahtalyq ádispen jumys isteitin jumyskerlerge olardyń aýysymaralyq, vahtaaralyq demalysyna eńbek demalysyn berýge tyiym salynbaǵan. Osyǵan bailanysty, ártúrli jumys rejimderi bar jumyskerlerde eńbek demalysy kezeńine keletin jumys saǵattaryn esepteý kezinde teńgerimsizdikke jol bermeý úshin ortasha jalaqyny esepteý kezinde jumys saǵattarynyń ortasha jyldyq sanyn alǵan jón», - dep jazylǵan jobanyń túsindirmesinde
Buiryq jobasy 28 qazanǵa deiin «Ashyq NQA» portalynda talqylanady.
