قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ورتاشا جالاقىنى ەسەپتەۋدٸڭ بٸرىڭعاي ەرەجەلەرٸنە ٶزگەرٸستەر ەنگٸزەتٸن بۇيرىق جوباسىن «اشىق ٷكٸمەت» پورتالىنا شىعاردى, دەپ حابارلايدى قازاقپارات.
ەڭ العاشقى ٶگەرتۋ قولدانىستاعى قۇجاتتىڭ 7-تارماعىنا ەنگٸزٸلمەكشٸ.
«قىزمەتكەردٸڭ ورتاشا جالاقىسى ورتاشا كٷندٸك (ساعاتتىق) جالاقىنى بەس كٷندٸك نەمەسە التى كٷندٸك جۇمىس اپتاسىنداعى جۇمىس ۋاقىتىنىڭ بالانسىنا قاراي وقيعا كەزەڭٸنە سەيكەس كەلەتٸن جۇمىس كٷندەرٸنٸڭ (جۇمىس ساعاتتارىنىڭ) سانىنا كٶبەيتۋ جولىمەن ەسەپتەلەدٸ», - دەلٸنگەن بۇيرىق جوباسىندا.
وسىلايشا, جۇمىس ۋاقىتىنىڭ جيىنتىق ەسەبٸ قىزمەتكەردٸڭ ورتاشا جالاقىسى ورتاشا ساعاتتىق جالاقىنى ورتاشا جىلدىق جۇمىس ساعاتتارىنىڭ سانىنا كٶبەيتۋ جولىمەن ەسەپتەلەدٸ
ورتاشا جالاقىنى ەسەپتەۋ كەزٸندە ەسكەرٸلمەيتٸن تٶلەمدەرگە مىنالار جاتادى:
- جىل سايىنعى اقىلى ەڭبەك دەمالىسىنىڭ پايدالانىلماعان بٶلٸگٸ ٷشٸن بەرٸلەتٸن ٶتەماقى;
- ەڭبەككە ۋاقىتشا قابٸلەتسٸزدٸگٸ بويىنشا ەلەۋمەتتٸك جەردەماقى, سونداي-اق جۇمىس بەرۋشٸ بەلگٸلەيتٸن ەلەۋمەتتٸك جەردەماقى مٶلشەرٸنە قوسىمشا تٶلەمدەر;
- ەڭبەك دەمالىسىن بەرۋ كەزٸندە قىزمەتكەرلەرگە تٶلەنەتٸن جىل سايىنعى ەڭبەك دەمالىسى;
- قىزمەتتٸك ٸسساپارلارعا جٸبەرۋ ٶتەماقىلارى;
- تۇراقتى جۇمىسى جولدا ٶتەتٸن نەمەسە جٷرٸپ-تۇرۋ سيپاتى بار نە قىزمەت پەن بايلانىستى ٶتەماقى تٶلەمدەر;
- دالالىق جۇمىستارمەن اينالىساتىن قىزمەتكەرلەرگە دالالىق جابدىقتالىم;
- قىزمەتكەر جۇمىس بەرۋشٸمەن بٸرگە باسقا جەرگە جۇمىسقا اۋىسقان نەمەسە كٶشكەن كەزدە تٶلەنەتٸن ٶتەماقى;
- تاراپتاردىڭ كەلٸسٸمٸ نەگٸزٸندە قىزمەتكەردٸڭ (جەكە تۇلعانىڭ) جەكە مٷلكٸن جۇمىس بابىنا پايدالانۋ كەزٸندەگٸ شىعىستاردى ٶتەۋ;
- بەرٸلگەن سٷتتٸڭ نەمەسە وعان تەڭەستٸرٸلگەن تاماق ٶنٸمدەرٸنٸڭ نەمەسە ديەتالىق (ەمدٸك جەنە پروفيلاكتيكالىق) تاماقتانۋعا, ارنايى كيٸمگە جەنە باسقا دا جەكە قورعانىش قۇرالدارىنا ارنالعان مامانداندىرىلعان ٶنٸمدەردٸڭ قۇنى;
- قىزمەتكەر ەڭبەك مٸندەتتەرٸن اتقارعان كەزدە ونىڭ ٶمٸرٸ مەن دەنساۋلىعىنا كەلتٸرٸلگەن زيياندى ٶتەۋ جٶنٸندەگٸ تٶلەمدەر (جوعالتىلعان جالاقىسى بٶلٸگٸندەگٸ تٶلەمدەردەن باسقا);
- قىزمەتكەرلەرگە جۇمىس بەرۋشٸ كٶرسەتەتٸن ماتەريالدىق كٶمەك (اقشالاي جەردەماقى) (بالا تۋعان كەزدە, مەديتسينالىق قىزمەتتەرگە اقى تٶلەۋ ٷشٸن, جەرلەۋگە جەنە باسقا دا جاعدايلاردا), سونداي-اق جۇمىس بەرۋشٸنٸڭ قاراجاتى ەسەبٸنەن ۇجىمدىق شارتتا نەمەسە جۇمىس بەرۋشٸنٸڭ اكتٸسٸندە قوسىمشا كٶزدەلگەن ٶتەماقىلار مەن ەلەۋمەتتٸك كەپٸلدٸكتەردٸ تٶلەۋ;
- بٸرجولعى كٶتەرمەلەۋ تٶلەمدەرٸ (بٸرجولعى اقشالاي سىياقىنى قوسا العاندا);
- جۇمىس بەرۋشٸنٸڭ كٸنەسٸنەن جالاقى تٶلەۋ كەشٸكتٸرٸلگەن كەزدە جەنە مٸندەتتٸ زەينەتاقى جارنالارىن ۋاقتىلى اۋدارماعانى ٷشٸن جۇمىس بەرۋشٸ جۇمىسكەرگە تٶلەيتٸن ٶسٸمپۇلدار;
- جۇمىس بەرۋشٸنٸڭ قىزمەتكەرلەردٸ وقىتۋعا جەنە ولاردىڭ بٸلٸكتٸلٸگٸن ارتتىرۋعا بايلانىستى شىعىستارى;
- سپورتتىق بايقاۋلاردا, كونكۋرستاردا جەنە جارىستاردا جٷلدەلٸ ورىندار ٷشٸن بەرٸلەتٸن اقشالاي ناگرادالار;
- قىزمەتكەرگە مەملەكەتتٸك جەنە قوعامدىق مٸندەتتەردٸ ورىنداۋ ورنى بويىنشا تٶلەنگەن جالاقى;
- ەڭبەك كودەكسٸنٸڭ 72-بابىنا سەيكەس كٷندەلٸكتٸ جۇمىستى (جۇمىس اۋىسىمىن) بٶلٸكتەرگە بٶلۋ كەزٸندە جۇمىسكەرلەرگە جۇمىسى ٷشٸن ٶتەماقى تٶلەمدەرٸ;
- بالانى تاماقتاندىرۋعا ارنالعان ٷزٸلٸستەر ۋاقىتىندا ساقتالاتىن ورتاشا جالاقى;
- بوس تۇرىپ قالعان جاعدايدا قىزمەتكەرلەرگە تٶلەنگەن سومالار.
«قر قولدانىستاعى ەڭبەك كودەكسٸندە اۋىسىمدىق جەنە ۆاحتالىق ەدٸسپەن جۇمىس ٸستەيتٸن جۇمىسكەرلەرگە ولاردىڭ اۋىسىمارالىق, ۆاحتاارالىق دەمالىسىنا ەڭبەك دەمالىسىن بەرۋگە تىيىم سالىنباعان. وسىعان بايلانىستى, ەرتٷرلٸ جۇمىس رەجيمدەرٸ بار جۇمىسكەرلەردە ەڭبەك دەمالىسى كەزەڭٸنە كەلەتٸن جۇمىس ساعاتتارىن ەسەپتەۋ كەزٸندە تەڭگەرٸمسٸزدٸككە جول بەرمەۋ ٷشٸن ورتاشا جالاقىنى ەسەپتەۋ كەزٸندە جۇمىس ساعاتتارىنىڭ ورتاشا جىلدىق سانىن العان جٶن», - دەپ جازىلعان جوبانىڭ تٷسٸندٸرمەسٸندە
بۇيرىق جوباسى 28 قازانعا دەيٸن «اشىق نقا» پورتالىندا تالقىلانادى.
