2020 jyly elimizde jalpy tutynýdaǵy qazaqstandyq taýarlardyń úlesi 4,7 paiyzdyq tarmaqqa ósti. Bul týraly Úkimet otyrysynda QR Ulttyq ekonomika ministri Rýslan Dálenov aitty, dep habarlaidy QazAqparat.
«Ekonomika qurylymynyń sapaly ózgerýi baiqaldy. Ónerkásiptiń jalpy kólemindegi óńdeý úlesi 9,4 paiyzdyq tarmaqqa artty. Iaǵni, 2019 jylǵy 39,4 paiyzdan 2020 jyly 48,8 paiyzǵa deiin ulǵaidy. Jeńil ónerkásiptiń, avtomobil jasaýdyń jáne daiyn metall buiymdarynyń eki mándi ósýi baiqalady. Óńdelgen, daiyn taýarlardyń eksporty ulǵaidy», - dedi ministr.
Onyń atap ótýinshe, 2020 jyly óndiristiń ósýiniń arqasynda jalpy tutynýdaǵy qazaqstandyq taýarlardyń úlesi 4,7 paiyzdyq tarmaqqa ósti.
«Elektrondyq saýda úlesi 6 paiyzdyq tarmaqqa, qolma-qol aqshasyz tólemder kólemi 2 esege jáne ken óndirýdi esepke almaǵanda investitsiialardyń 14,8 paiyzǵa óskeni baiqalady», - dedi Rýslan Dálenov.
