Ortalyq kommýnikatsiialar qyzmetinde ótken brifingide QR AShM ósimdik sharýashylyǵy ónimderin óndirý jáne qaita óńdeý departamentiniń direktory Azat Sultanov «Qazaqstandaǵy janarmai baǵasynyń ósýinen nan qymbattamai ma?» degen suraqqa jaýap berdi, dep habarlaidy "Ult aqparat".
«Janar-jaǵarmaidyń baǵasynyń ósýi máselesi bizdiń elde óte ózekti másele emes, óitkeni memleket aýylsharýashylyq taýar óndirýshilerin qoldaý sharalaryn qabyldap, jyl saiyn arzan janar-jaǵarmai materialdaryn bólip otyr. Jylyna 900 myń tonnaǵa deiin bólinedi, baǵasy janarmai quiý beketterine qaraǵanda 15-20% tómen. Sondyqtan baǵanyń ósýi túpkilikti ónimge áser etpeidi dep oilaimyz», - deidi Azat Sultanov.
Onyń aitýynsha, qazir jaǵdai baqylaýda.
«Bul másele baqylaýda. Arzandatylǵan janar-jaǵarmailar kestege sáikes aimaqtarǵa - negizinen kóktemgi dala jumystaryna daiyndyq bastalǵan ońtústik aimaqtarǵa jóneltildi», - deidi ol.
