Qazaqstanda 1200 adam iz-tússiz joǵalǵandar sanatynda tur. Bul týraly QR IIM Kriminaldyq politsiia departamentiniń basshysy Dýman Taev aityp berdi, dep habarlaidy QazAqparat.
«Qazrigi ýaqytta 1200 adam iz-tússiz joǵalǵandar sanatynda tur. Onyń ishinde 22 bala bar. Ásirese er adamdar kóbirek joǵalady, bul olardyń ózge óńirlerge qyzmettik issaparlaryna, maýsymdyq jumystaryna jáne kólik tasý, júk tasý syndy túrli reisterine bailanysty», - dedi departament basshysy ministrlik uiymdastyrǵan aptalyq brifingte.
Onyń aitýynsha, áielder arasynda kóp jaǵdaida spirttik ishimdikke salynǵandar joǵalady.
«Turmysy qolaisyz otbasylardan shyqqan jasóspirimder de joǵalady. Onda ata-anamen renjisý, olardyń únemi spirttik ishimdik ishkeni úshin urysý negizgi sebep bolýy múmkin», - dep túsindirdi D. Taev.
Tájiribege sáikes, 100 oqiǵanyń shamamen 80-inde joǵalǵan azamattar tabylady jáne týystaryna oralady.
«Iri qalalarda jas qyzdardy jezókshelikpen ainalysýǵa úgitteidi jáne seksýaldyq qyzmet kórsetýge májbúrleidi. Eńbekti qanaý boiynsha azamattardy syrtqa alyp shyǵyp, aýyldyq jerlerde eńbek etýge kóndiredi. Mundai qylmystar barlyq oblystardan anyqtalady», - dedi Dýman Taev.
