Bilim jáne ǵylym ministri Ashat Aimaǵambetov muǵalimder óz úiinde qashyqtan jumys istei alatynyn málimdedi, dep habarlaidy "Ult aqparat".
«Jalpy, elimizde 7300 mektep bar. Sol mektepterde balalardy kanikýlǵa erterek shyǵardyq. 16 naýryzdan 5 sáýirge deiin kanikýl jalǵasady. Kanikýl kezinde muǵalimderdiń máselesi bar. Muǵalimderge úilerinde bolyp, qashyqtan jumys isteýine bolady. Biz osyny usynyp, barlyq bilim berý bólimderine jáne mektep direktorlaryna osy aqparatty jetkizdik», -dedi ministr OKQ-da ótken baspasóz máslihatynda.
Eske sala ketsek, 14 naýryzda elordada ótken baspasóz máslihatynda Densaýlyq saqtaý ministri Eljan Birtanov Qazaqstanda eki adamnyń koronavirýs juqtyrǵanyn jetkizgen edi. Kóp ýaqyt ótpei Milan qalasynan Nur-Sultanǵa kelgen taǵy bir qazaqstandyqtan koronavirýs infektsiiasy tabyldy.
Keiin Germaniiadan ushyp kelgen Qazaqstan azamatynan koronavirýs anyqtaldy.
Al búgin taǵy eki azamattyń osy dertti juqtyrǵany belgili boldy. Osylaisha bul dertke shaldyqqandar sany 6 adamǵa jetip otyr.
