Qazaqstanda Mońǵoliiadan kedendik zańnama normalaryn buza otyryp ákelingen avtomobilder bar. Bul týraly "Ult aqparat" Memlekettik kirister komitetiniń baspasóz qyzmetine silteme jasap habarlaidy.
«Búgingi kúni erkin saýdada Mońǵol Halyq Respýblikasynan kedendik zańnama normalaryn buza otyryp ákelingen avtomobilder bar. Zań buzýshylar ishki ister organdarynda tirkeý esebine qoiý úshin jalǵan kedendik qujattaryn paidalanǵan.
Zańsyz ailalar Resei Federatsiiasy jáne Qazaqstan Respýblikasy keden qyzmetteriniń aqparattyq júieleriniń derekter qoryn, sondai-aq Qazaqstan Respýblikasy Ishki ister ministrliginde esepke alý týraly derekterimen salystyrý nátijesinde anyqtaldy. Negizinen 2001 - 2010 jyldary shyqqan Ońtústik Koreia óndirisiniń avtomobilderi (Hýndai, Kia) ákelingen.
Qazirgi kezde kedendik bajdardy, salyqtardy tóleýdi qamtamasyz etý úshin memlekettik kirister organdarymen kontrabandalyq avtomobilderdi kidirtý boiynsha sharalar qabyldanýda.
Osyǵan bailanysty, azamattardy júrilgen kólikterdi satyp alý kezinde saq bolyp, avtomobildiń kedendik tazartýdyń durystyǵyn aýmaqtyq memlekettik kirister organdaryna júginý jolymen tekserýge erekshe nazar aýdarýdy usynamyz»,- delingen komitet taratqan habarlamada.
Sondai-aq, vedomstvo qazirgi kezde memlekettik kirister organdarymen kedendik zańnamanyń saqtalýyn qamtamasyz etý boiynsha is-sharalar júrgizilip jatqan avtomobilderdiń tizimin myna silteme arqyly qaraýǵa bolatyndyǵyn habarlaidy.
