قازاقستاندا موڭعولييادان كەدەندٸك زاڭناما نورمالارىن بۇزا وتىرىپ ەكەلٸنگەن اۆتوموبيلدەر بار. بۇل تۋرالى "ۇلت اقپارات" مەملەكەتتٸك كٸرٸستەر كوميتەتٸنٸڭ باسپاسٶز قىزمەتٸنە سٸلتەمە جاساپ حابارلايدى.
«بٷگٸنگٸ كٷنٸ ەركٸن ساۋدادا موڭعول حالىق رەسپۋبليكاسىنان كەدەندٸك زاڭناما نورمالارىن بۇزا وتىرىپ ەكەلٸنگەن اۆتوموبيلدەر بار. زاڭ بۇزۋشىلار ٸشكٸ ٸستەر ورگاندارىندا تٸركەۋ ەسەبٸنە قويۋ ٷشٸن جالعان كەدەندٸك قۇجاتتارىن پايدالانعان.
زاڭسىز ايلالار رەسەي فەدەراتسيياسى جەنە قازاقستان رەسپۋبليكاسى كەدەن قىزمەتتەرٸنٸڭ اقپاراتتىق جٷيەلەرٸنٸڭ دەرەكتەر قورىن, سونداي-اق قازاقستان رەسپۋبليكاسى ٸشكٸ ٸستەر مينيسترلٸگٸندە ەسەپكە الۋ تۋرالى دەرەكتەرٸمەن سالىستىرۋ نەتيجەسٸندە انىقتالدى. نەگٸزٸنەن 2001 - 2010 جىلدارى شىققان وڭتٷستٸك كورەيا ٶندٸرٸسٸنٸڭ اۆتوموبيلدەرٸ (حۋنداي, كيا) ەكەلٸنگەن.
قازٸرگٸ كەزدە كەدەندٸك باجداردى, سالىقتاردى تٶلەۋدٸ قامتاماسىز ەتۋ ٷشٸن مەملەكەتتٸك كٸرٸستەر ورگاندارىمەن كونتراباندالىق اۆتوموبيلدەردٸ كٸدٸرتۋ بويىنشا شارالار قابىلدانۋدا.
وسىعان بايلانىستى, ازاماتتاردى جٷرٸلگەن كٶلٸكتەردٸ ساتىپ الۋ كەزٸندە ساق بولىپ, اۆتوموبيلدٸڭ كەدەندٸك تازارتۋدىڭ دۇرىستىعىن اۋماقتىق مەملەكەتتٸك كٸرٸستەر ورگاندارىنا جٷگٸنۋ جولىمەن تەكسەرۋگە ەرەكشە نازار اۋدارۋدى ۇسىنامىز»,- دەلٸنگەن كوميتەت تاراتقان حابارلامادا.
سونداي-اق, ۆەدومستۆو قازٸرگٸ كەزدە مەملەكەتتٸك كٸرٸستەر ورگاندارىمەن كەدەندٸك زاڭنامانىڭ ساقتالۋىن قامتاماسىز ەتۋ بويىنشا ٸس-شارالار جٷرگٸزٸلٸپ جاتقان اۆتوموبيلدەردٸڭ تٸزٸمٸن مىنا سٸلتەمە ارقىلى قاراۋعا بولاتىندىعىن حابارلايدى.
