Joǵary bilim alýǵa qoljetimdilikti keńeitý úshin 2025 jylǵa deiin granttar sany 50 paiyzǵa artady. Bul týraly búgin Úkimet otyrysynda QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Joǵary bilim berýde kásiptik standarttar negizinde bilim berý baǵdarlamalaryn 100 paiyz jańartý mindeti tur. QS WUR reitingisine kiretin qazaqstandyq joǵary oqý oryndarynyń sany 15-ke deiin artady. 5 jyldyń ishinde respýblika aýmaǵynda 5 jetekshi sheteldik joǵary oqý ornynyń kampýstaryn ashý josparlanýda», - dedi ministr.
Onyń atap ótýinshe, stýdentterdi jataqhanalardaǵy oryndarmen qamtamasyz etý úshin 2020 jyly 20 myń oryndyq 75 jataqhana paidalanýǵa berildi. 2025 jylǵa qarai keminde 50 myń jańa oryn paidalanýǵa beriledi.
«Joǵary bilim alýǵa qoljetimdilikti keńeitý úshin 2025 jylǵa deiin granttar sany 50 paiyzǵa artady. Granttardyń birneshe túrleri engiziledi. Memleket basshysynyń tapsyrmasy boiynsha sońǵy bir jyldyń ishinde stýdentterge arnalǵan stipendiialar mólsheri 25, doktoranttarǵa 83 paiyzǵa ulǵaityldy. Endi 2025 jylǵa deiin stýdentterdiń stipendiiasy taǵy 2 esege, magistranttar men doktoranttardyń stipendiiasy 1,5 esege artady», - dedi Ashat Aimaǵambetov.
