QR Básekelestikti qorǵaý jáne damytý agenttigi «QazAqparat» HAA alańynda ótkizgen bastapqy turǵyn úi naryǵyndaǵy básekelestik týraly Open Space-te qurylys materialdarynyń baǵasy qanshama qymbattaǵandyǵy aityldy, dep habarlaidy QazAqparat.
«Statistikaǵa súiensek, 2021 jyldyń qańtar-sáýir ailarynda otandyq materialdar baǵasynyń ósýi 16% -dy, qurylys kompaniialary satyp alatyn materialdardyń qymbattaýy 0,5% -dy qurady. 2020 jyldyń sáikes kezeńinde ósim 0,2%-dy quraǵan bolatyn», - dedi QR Básekelestikti qorǵaý jáne damytý agenttiginiń tóraǵasy Serik Jumanǵarin.
Onyń aitýynsha, qurylys materialdary Qaraǵandy oblysynda kóbirek qymbattaǵan.
«10 paiyzdyq ósim jalǵasýda, negizinen bul osy jyldyń sáýirinde Qaraǵandy oblysynda baǵanyń ósýimen bailanysty. Búgingi tańda baǵa boiynsha barlyq jaǵdai saraptalýda», - deidi ol.
