Búgin Úkimet otyrysynda QR Densaýlyq saqtaý ministri Eljan Birtanov elimizdegi koronavirýsqa qatysty jaǵdai boiynsha esep berdi, dep habarlaidy "Ult aqparat".
«Ótken táýlikte 129 naýqas tirkelip, ósim deńgeii 3,3 paiyzdy qurady. Jańa naýqastardyń arasyndaǵy 84-i, iaǵni 65 paiyzy aldyn alý skriningtiń negizinde tabylǵan. 36 naýqas meditsinalyq kómekke júgingen jáne 9 naýqas shet elden kelgen. Eń joǵary deńgei Almaty qalasynda - 33 naýqas jáne Batys Qazaqstan oblysynda - 20 naýqas. Eń úlken ósim 13,8 paiyz Mańǵystaý oblysynda. Keshegi kúni 2 naýqas, jalpy 29 naýqas qaitys boldy. 1 173 naýqas emdelip shyqty. Qazirgi kúni 2847 naýqas emdelip jatyr. Ótken táýlik boiynsha elimizde 13 550 test ótkizildi. Jalpy, 4,5 myńy skrining maqsatynda», - dedi Densaýlyq saqtaý ministri.
Óz kezeginde Úkimet basshysy Asqar Mamin elimizde koronavirýs taralýyna qatysty jaǵdai turaqtalyp kele jatqanyn basa aitty.
«Osy úderisti saqtaýymyz kerek. Bul bizge karantindik sharalardy odan ary jeńildetýge múmkindik jasaidy», - dedi Premer-Ministr.
Aita ketsek, coronavirus2020.kz saitynyń málimetinshe, Qazaqstanda 4121 adam koronavirýs juqtyryp, onyń 1173- i jazylyp shyqty. Indentten 29 adam kóz jumdy.
