Epidemiia bastalǵaly jansaqtaý bóliminen 69 syrqat emdelip shyǵarylǵan. Bul týraly Ortalyq kommýnikatsiialar qyzmetinde ótken eldegi koronavirýstyq infektsiia boiynsha aǵymdaǵy jaǵdai, sonymen qatar Qazaqstandaǵy vaktsinalardyń sapasy men satyp alýlary týraly brifingte aityldy, dep habarlaidy "Ult aqparat".
«Bul - jańa virýs, jańa epidemiia bolǵannan keiin onyń ekinshi tolqyny bolatyn-bolmaitynyn aitý, boljaý óte qiyn. Biz birtindep, baqylap kórýimiz kerek. Keibir memlekette aýyrǵandar sany ósýi qaita baiqalyp jatyr. Sony boldyrmaý úshin karantin sharalaryn durys saqtaýymyz kerek», - deidi QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev.
Onyń aitýynsha, elimizde epidemiia bastalǵaly beri 16 naýqas ókpeni jasandy jeldetý apparatynan emdelip shyqqan.
«Qazirgi ýaqytta 7 syrqat jasandy tynyl alý apparatymen jatyr. Jalpy alǵanda, epidemiia bastalǵaly jansaqtaý bóliminen 69 syrqat emdelip shyqty», - deidi ol.
