ەپيدەمييا باستالعالى جانساقتاۋ بٶلٸمٸنەن 69 سىرقات ەمدەلٸپ شىعارىلعان. بۇل تۋرالى ورتالىق كوممۋنيكاتسييالار قىزمەتٸندە ٶتكەن ەلدەگٸ كوروناۆيرۋستىق ينفەكتسييا بويىنشا اعىمداعى جاعداي, سونىمەن قاتار قازاقستانداعى ۆاكتسينالاردىڭ ساپاسى مەن ساتىپ الۋلارى تۋرالى بريفينگتە ايتىلدى, دەپ حابارلايدى "ۇلت اقپارات".
«بۇل - جاڭا ۆيرۋس, جاڭا ەپيدەمييا بولعاننان كەيٸن ونىڭ ەكٸنشٸ تولقىنى بولاتىن-بولمايتىنىن ايتۋ, بولجاۋ ٶتە قيىن. بٸز بٸرتٸندەپ, باقىلاپ كٶرۋٸمٸز كەرەك. كەيبٸر مەملەكەتتە اۋىرعاندار سانى ٶسۋٸ قايتا بايقالىپ جاتىر. سونى بولدىرماۋ ٷشٸن كارانتين شارالارىن دۇرىس ساقتاۋىمىز كەرەك», - دەيدٸ قر دسم تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تٶراعاسى تيمۋر سۇلتانعازيەۆ.
ونىڭ ايتۋىنشا, ەلٸمٸزدە ەپيدەمييا باستالعالى بەرٸ 16 ناۋقاس ٶكپەنٸ جاساندى جەلدەتۋ اپپاراتىنان ەمدەلٸپ شىققان.
«قازٸرگٸ ۋاقىتتا 7 سىرقات جاساندى تىنىل الۋ اپپاراتىمەن جاتىر. جالپى العاندا, ەپيدەمييا باستالعالى جانساقتاۋ بٶلٸمٸنەن 69 سىرقات ەمدەلٸپ شىقتى», - دەيدٸ ول.
