QR DSM Ulttyq qoǵamdyq densaýlyq saqtaý ortalyǵy qoǵamdyq densaýlyq saqtaý salasyndaǵy tótenshe jaǵdai jedel ortalyǵynyń direktory Albert Asqarov elimizde qandai epidemiologiialyq ahýal oryn alǵandyǵyn aityp berdi, dep habarlaidy QazAqparat.
«Jalpy, qazirgi ýaqytta Qazaqstan Respýblikasyndaǵy COVID-19 boiynsha aǵymdaǵy epidemiologiialyq ahýaldy turaqty dep baǵalaýǵa bolady. Respýblikada indet bastalǵan sátten bastap osy jyldyń 6 qazanyna deiin COVID-19-dyń naqtylanǵan 108 296, onyń ishinde sońǵy táýlikte 60 jaǵdaiy tirkeldi. Ósim 0,06 paiyzdan da tómen. Buǵan qosa, jalpy respýblika boiynsha respýblika boiynsha sońǵy 10 kúnde koronavirýsqa shaldyǵýdyń táýliktiń ósimi 0,06 paiyzdan aspaidy. Birqatar óńirde, atap aitqanda Aqtóbe men Qyzylorda oblystarynda sońǵy 3 táýlik boiy birde-bir koronavirýs infektsiiasyna shaldyǵý deregi tirkelgen joq. Óńirlerdiń kópshilignde biren-saran ǵana jaǵdai tirkelip otyr. COVID-19-dan ólim-jitim sany da kúrt qysqardy. Sońǵy táýlikte 3 naýqas qaitys boldy. Barlyq naýqastardyń 95 paiyzy nemese 103 367 adam, onyń ishinde sońǵy táýlikte 90 adam jazylyp shyqty», - dedi Albert Asqarov.
Sonymen qatar jedel ortalyq direktory elimizde koronavirýs indetiniń jańa tolqynynyń oryn alýyna qatysty alańdaýshylyqqa orai pikirin bildirip ótti.
«Álemniń Chehiia, Frantsiia, Niderland, Vengriia, Izrail syndy kóptegen elderde, sondai-aq TMD boiynsha Ýkraina, Grýziia syndy kórshiles memleketterde qazirdiń ózinde COVID-19-dyń ekinshi tolqyny kelgenin aýrýǵa shaldyqqandar statistikasy kórsetip otyr. Boljamdarǵa qaraǵanda Qazaqstan Respýblikasynda koronavirýs indetiniń ekinshi tolqyny qarasha-jeltoqsan ailarynda oryn alyp qalýy yqtimal. Bul oraida densaýlyq saqtaý organdary men uiymdardyń COVID-19-dyń jańa tolqynyna daiyn ekendigin atap ótken jón. Qajetti dári-dármek, ókpeni jasandy jeldetý apparattary, jeke qorǵanys quraldary, meditsinalyq qural jabdyqtar men meditsinalyq maqsattaǵy buiymdar satyp alynyp, qor quryldy», - dedi ol.
Onyń atap ótýinshe, elimizdiń birqatar óńirinde moýldik jańa juqpaly aýrýlar aýrýhanalary salynyp jatyr. Aýrý órshigen jaǵdaiǵa provizorlyq, infektsiialyq jáne reanimatsiialyq tósek-oryn qory quryldy. Sońǵy álemdik tájiribege sáikes, koronavirýs indetin juqtyrǵan naýqastardy emdeý hattamasyna ózgertýler engizildi. Aldyn alý jáne epidemiiaǵa qarsysharalar júrgizý algoritmi qaita qaraldy.
«Onlain rejimde meditsina qyzmetkerlerin oqytý turaqty túrde júrgizilip jatyr. Sonymen qatar koronavirýs indetiniń jańa tolqynyna daiyndyqty arttyrýǵa baǵyttalǵan ózge de sharalar júzege asyrylýda», - dedi Albert Asqarov.
