16 maýsymda Qazaqstanda 1145 adamnyń analizinen koronavirýs anyqtaldy. Nur-Sultanda bir kúnde 343 adamnyń Covid-ke shaldyqqany belgili boldy. Bul - respýblika boiynsha tirkelgen eń joǵary kórsetkish. Astanada aýrý ósimi ótken aptamen salystyrǵanda 7 paiyzǵa ulǵaiǵan. Qaraǵandy oblysynda – 150, Almatyda 109 naýqas anyqtalǵan. Qalǵan qalalar men oblystarda anyqtalǵan naýqastar júzge jetpeidi.
2020 jyldyń naýryz aiynan beri elde 405 209 adamnyń koronavirýs testi oń shyqqan.
15 maýsymda taǵy 57 adam pnevmoniianyń koronavirýsqa uqsas túrine shaldyqqan. Qazaqstan biligi koronavirýs pen koronavirýs pnevmoniiasyna shaldyqqandardy bólek eseptep keledi. Biraq halyqaralyq uiymdardyń saitynda eki kórsetkish biriktirilgen. 2020 jyldyń 1 tamyzynan beri elde 56 333 adam "pnevmoniiamen" aýyrǵan.
Indet bastalǵaly beri 4203 adam (15 maýsymda 8 adam qaitys bolǵan) koronavirýstan qaitys bolǵan. Taǵy 3420 adamnyń ólimine koronavirýs pnevmoniiasy sebep boldy (15 maýsymda 4 adam kóz jumǵan) dep aitylady. Odan bólek, indet bastalǵaly beri shamamen 2 myń adam koronavirýstyń "janama áserinen" qaitys bolǵan. Qazaqstanda mundai adam ólimi kórsetkishi Covid statistikasyna engizilmeidi.
Sońǵy málimet boiynsha, elde 2 mln 629 myń adam koronavirýsqa qarsy vaktsinanyń keminde bir dozasyn alǵan. 1 mln 527 myńy eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 176 mln 967 myń adamnan koronavirýs anyqtalǵan. 3 mln 830 myń adam qaitys bolǵan.
Qazir AQSh pen Eýropada virýs juqtyrǵandar azaiǵanmen Qazaqstan kórshisi Resei men Qyrǵyzstanda indet kúrt kúsheigen. Bilik shekteý sharalaryn qaita kúsheite bastaǵan. Qyrǵyzstan densaýlyq saqtaý ministrligi 15 maýsymda elde koronavirýstyń "úshinshi tolqyny" baiqalǵanyn habarlady. Bishkekte shekteýler engizildi.
Aimaq boiynsha koronavirýs juqtyrǵandar sany:
Nur-Sultan qalasy - 343
Almaty qalasy - 109
Shymkent qalasy - 31
Aqmola oblysy - 37
Aqtóbe oblysy - 25
Almaty oblysy - 41
Atyraý oblysy - 62
Shyǵys Qazaqstan oblysy - 76
Jambyl oblysy - 15
Batys Qazaqstan oblysy - 84
Qaraǵandy oblysy - 150
Qostanai oblysy - 33
Qyzylorda oblysy - 26
Mańǵystaý oblysy - 39
Pavlodar oblysy - 41
Soltústik Qazaqstan oblysy - 21
Túrkistan oblysy - 12
Sondai-aq, 17 maýsymdaǵy málimet boiynsha 21 132 adam koronavirýs infektsiiasynan (19 980 KVI+ jáne 1 152 KVI-) emdelip jatyr.
Olardyń ishinde:
6 468 patsient statsionarda,
14 664 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
435 adamnyń jaǵdaiy aýyr,
111 patsienttiń jaǵdaiy óte aýyr,
73 naýqas ÓJJ apparatynda jatyr.
