Elimizde koronavirýs juqtyrǵan 246 naýqastyń jaǵdaiy aýyr, dep habarlaidy "Ult aqparat" QR Densaýlyq saqtaý ministrligine silteme jasap.
«10 tamyzdaǵy aqparatqa sáikes koronavirýs infektsiiasynan 25 650 adam emdelip jatyr. Olardyń arasynda 105 bala bar. Statsionarlarda 4 713 naýqas jatyr. 20 937 adam ambýlatoriialyq jaǵdaida emdelýde.
Jalpy naýqastardyń arasynda 246 adamnyń ahýaly nashar. Sonyń ishinde 69 naýqastyń jaǵdaiy asa aýyr dep baǵalanýda. 70 naýqas ókpeni jasandy jeldetý apparatyna qosylǵan», delingen habarlamada.
QR Densaýlyq saqtaý ministrligi budan bylai kún saiynǵy nátije týraly aqparatty kún saiyn únemi úzbei jariialap otyrady.
«Barlyq málimet resmi saitta jáne vedmostvanyń áleýmettik jelidegi paraqshalary arqyly taratylady. Atap aitqanda, naýqastardyń jalpy sany jóninde, qaitys bolý derekteri týraly jáne de qoǵam úshin mańyzdy ahýaldyń barlyǵy resmi aqparat taratý kózderinde jedel jariialanyp turady. Al, aimaqtardaǵy ahýal týraly aqparatty apta saiyn Densaýlyq saqtaý ministrliginiń resmi ókili arnaiy brifingte habarlanady», delingen habarlamada.
