2020 jyldyń qańtar-shilde ailary aralyǵynda daiyndalǵan nemese basqa ádispen konservilengen balyq, ýyldyryq jáne ony almastyrýshylardyń óndirisi 15,6 myń tonnaǵa jetken – bul byltyrǵy jylmen salystyrǵanda 3,1 ese kóp. Bul týraly energyprom.kz saity habarlady.
Balyqtyń úshten eki bóligine jýyǵy (64,2%) Atyraý oblysynda shyǵarylady: 10 myń tonna, bul ótken jyldyń osyndai kezeńimen salystyrǵanda birden 40,6 ese kóp. Kóshbasshylyq etken aimaqtar «úshtigine» sondai-aq Batys Qazaqstan oblysy (2 myń tonna, pliýs 11,7 paiyz) jáne Túrkistan oblysy (1,8 myń tonna, pliýs 57,1 paiyz) kirip otyr.
Balyq, shaiantárizdiler jáne ulýlardy qaita óńdeý jáne konservileý aqshaǵa shaqqanda 13,6 mlrd teńgeni quraǵan.
Eske sala ketsek, Memleket basshysy balyq salasynyń muqiiat baqylaýdy talap etip otyrǵanyn atap ótken. 1 qarashaǵa deiin ákimdiktermen birlesip balyq sharýashylyǵyn damytý baǵdarlamalary ázirlenip, aimaqtyq indikatorlar shyǵarylady.
Birinshi jartyjyldyqtyń qorytyndylary boiynsha, qazaqstandyq kompaniialar qaita óńdelgen jáne konservilengen balyq, shaiantárizdiler men ulýlarǵa degen suranysty 62,6 paiyzǵa qamtamasyz etti (byltyrǵy kórsetkish – 40 paiyz). Bul kezeńde óndiris ótken jylmen salystyrǵanda úsh esedei, 42 myń tonnaǵa deiin ósken. Import kólemi – 37,4 paiyz, al eksport kólemi – 16,8 paiyz boldy.
