2020 جىلدىڭ قاڭتار-شٸلدە ايلارى ارالىعىندا دايىندالعان نەمەسە باسقا ەدٸسپەن كونسەرۆٸلەنگەن بالىق, ۋىلدىرىق جەنە ونى الماستىرۋشىلاردىڭ ٶندٸرٸسٸ 15,6 مىڭ تونناعا جەتكەن – بۇل بىلتىرعى جىلمەن سالىستىرعاندا 3,1 ەسە كٶپ. بۇل تۋرالى energyprom.kz سايتى حابارلادى.
بالىقتىڭ ٷشتەن ەكٸ بٶلٸگٸنە جۋىعى (64,2%) اتىراۋ وبلىسىندا شىعارىلادى: 10 مىڭ توننا, بۇل ٶتكەن جىلدىڭ وسىنداي كەزەڭٸمەن سالىستىرعاندا بٸردەن 40,6 ەسە كٶپ. كٶشباسشىلىق ەتكەن ايماقتار «ٷشتٸگٸنە» سونداي-اق باتىس قازاقستان وبلىسى (2 مىڭ توننا, پليۋس 11,7 پايىز) جەنە تٷركٸستان وبلىسى (1,8 مىڭ توننا, پليۋس 57,1 پايىز) كٸرٸپ وتىر.
بالىق, شايانتەرٸزدٸلەر جەنە ۇلۋلاردى قايتا ٶڭدەۋ جەنە كونسەرۆٸلەۋ اقشاعا شاققاندا 13,6 ملرد تەڭگەنٸ قۇراعان.
ەسكە سالا كەتسەك, مەملەكەت باسشىسى بالىق سالاسىنىڭ مۇقييات باقىلاۋدى تالاپ ەتٸپ وتىرعانىن اتاپ ٶتكەن. 1 قاراشاعا دەيٸن ەكٸمدٸكتەرمەن بٸرلەسٸپ بالىق شارۋاشىلىعىن دامىتۋ باعدارلامالارى ەزٸرلەنٸپ, ايماقتىق ينديكاتورلار شىعارىلادى.
بٸرٸنشٸ جارتىجىلدىقتىڭ قورىتىندىلارى بويىنشا, قازاقستاندىق كومپانييالار قايتا ٶڭدەلگەن جەنە كونسەرۆٸلەنگەن بالىق, شايانتەرٸزدٸلەر مەن ۇلۋلارعا دەگەن سۇرانىستى 62,6 پايىزعا قامتاماسىز ەتتٸ (بىلتىرعى كٶرسەتكٸش – 40 پايىز). بۇل كەزەڭدە ٶندٸرٸس ٶتكەن جىلمەن سالىستىرعاندا ٷش ەسەدەي, 42 مىڭ تونناعا دەيٸن ٶسكەن. يمپورت كٶلەمٸ – 37,4 پايىز, ال ەكسپورت كٶلەمٸ – 16,8 پايىز بولدى.
