QR Energetika ministri Nurlan Noǵaev eldiń batys ólkesinde ornalasqan «Duńǵa, «Qarajanbas», «Bozashy», «Qalamqas» ken oryndarynda boldy, dep habarlaidy "Ult aqparat" ministrliktiń baspasóz qyzmetine silteme jasap.
Sonymen qatar, ministr Aqtaý mashina jasaý zaýytynda bolyp, kásiporyndardyń óndiristik qyzmetimen tanysty.
Sapar barysynda Nurlan Noǵaev pen Mańǵystaý oblysynyń ákimi Serikbai Trýmov óńirdegi munai-gaz jobalarynyń basshylarymen kezdesýler ótkizdi.
Ministr jer qoinaýyn paidalanýshylardyń basty mindeti – jer qoinaýyna uqypty qaraý qajet ekenin atap ótti.
«Sizder aýktsiondar arqyly jer ýchaskelerin sheksiz ýaqytqa satyp almaisyzdar, belgili bir merzimge tek jer qoinaýyn paidalaný quqyǵyn satyp alasyzdar. Ken ornynyń bailyǵy sol nemese basqa kompaniianyń ketýimen aiaqtalmaýy tiis, óndirý turǵysynan sanaly kózqaras qajet», - dep atap ótti ministr.
Qazaqstandaǵy munai jáne gaz ken oryndaryn igerý jáne barlaý ádisterin Energetika ministrliginiń janyndaǵy ortalyq komissiia bekitedi (BIOK). 2020 jyly komissiia quramy 22 adamnan 33 adamǵa deiin ulǵaityldy, komissiia quramyna «Atameken» ulttyq kásipkerler palatasy, zańdy tulǵalar birlestikteriniń ókilderi, sondai-aq kómirsýtekter salasynda arnaiy bilimi men tájiribesi bar joǵary bilikti mamandar kirdi.
Budan basqa, táýelsiz sarapshylar sany 1-den 3 adamǵa deiin ósti, sonymen qatar jer qoinaýyn paidalanýshy men táýelsiz sarapshy arasyndaǵy bailanysty boldyrmaý maqsatynda táýelsiz saraptama uiymdastyrý fýnktsiiasy 2020 jyldyń 1 qańtarynan bastap «Munai jáne gaz aqparattyq-taldaý ortalyǵy» AQ-qa júktelgen.
Bul sharalardyń barlyǵy yqtimal sybailas jemqorlyq táýekelderin boldyrmaý jáne ken oryndaryn barlaý men igerý jobalaryn tańdaýdy aiqyn jáne ashyq etý maqsatynda qabyldandy.
2020 jylǵy 23 jeltoqsanda Qazaqstanda alǵash ret kómirsýtegi shikizatyna jer qoinaýyn paidalaný quqyǵyn berýge arnalǵan onlain-aýktsion ótkizildi. Bul aýktsion biýdjetti 61 milliard teńgege tolyqtyrdy.
Aýktsion arqyly jerge menshik quqyǵy emes, jer qoinaýyn paidalaný quqyǵy beriletinin atap ótken mańyzdy. Bul quqyq «Jer qoinaýy jáne jer qoinaýyn paidalaný týraly» Kodekspen retteledi, ýchaskelerdegi kez kelgen tehnologiialyq protsester Energetika ministrligi janyndaǵy Barlaý jáne igerý jónindegi ortalyq komissiiada qaralatyn bolady.
«Biyl BIOK músheleri jaqsy jumys jasady: birqatar jobalardy qarastyrdy jáne olardyń keibirinen bas tartyldy. Biz árqashan investitsiia tartýdyń, jańa jumys oryndarynyń ashylýyn qoldaimyz, biraq jer qoinaýyn igerý «menen keiin ne bolsa, ol bolsyn» qaǵidaty boiynsha emes, utymdy jolmen júrgizilýi tiis. Jer qoinaýy Qazaqstan Respýblikasynyń menshigi bolyp tabylady jáne kez kelgen adam oǵan uqypty qaraýy tiis», - dedi Nurlan Noǵaev.
Energetika ministri men Mańǵystaý oblysynyń ákimi munai jáne gaz ken oryndarynyń eńbek ujymdarynyń ókilderimen áńgimelesti.
«El men Úkimet basshylyǵy Sizderdiń pandemiia kezindegi jumystaryńyzdy joǵary baǵalaidy. Álemdik baǵalardyń tómendeýine qaramastan, saladaǵy barlyq jumysshylardyń birlesken kúshimen ken oryndary avariialyq toqtatylmai, jumys oryndary saqtalyp qaldy. Sizderdiń árqaisylaryńyz otanymyzdyń órkendeýine úles qosyp jatyrsyzdar», - dep atap ótti Energetika ministri.
