Elimizde kólik júrgizý mádenieti tómen. Bul týraly Ortalyq kommýnikatsiialar qyzmetinde ótken brifingte Ákimshilik politsiia komitetiniń basqarma bastyǵy Marat Tuiaqbaev aitty.
«2013 jyldan beri jol-kólik oqiǵalary, sonyń ishinde jaraqat alǵandar men qaza tapqandar sany azaiyp kele jatqanymen, beijai qaraýǵa bolmaidy», - deidi Marat Tuiaqbaev.
Ol jyl basynan beri jol-kólik oqiǵalary men sonyń saldarynan qaza tapqandar sany azaiyp kele jatqanyn aitty.
«Zardap shekkenderdiń 40%-y — jaiaý júrginshiler. Jyl saiyn jol qozǵalysy erejelerin buzý jaǵdailary milliondap tirkeledi. Bul - elimizde kólik júrgizý mádenieti áli de tómen ekenin bildiredi», - deidi ol.
Sondai-aq, ol táýelsizdik alǵaly elimizde 83 myń adam jol-kólik oqiǵasynan kóz jumǵanyn aitty.
Eske sala ketsek, buǵan deiin DDSU turaqty ókili Oleg Chestnov álem boiynsha jyl saiyn 1,5 mln adam jol-kólik apatynan mert bolatyny týraly aitqanyn jazǵan bolatynbyz.
