QR Densaýlyq saqtaý vitse-ministri – QR Bas memlekettik sanitar dárigeri Erlan Qiiasov kinoteatrlardyń jumysyn jandandyrý jóninde pikir bildirdi, dep habarlaidy QazAqparat.
«Ózderińiz kórip otyrǵandai, barlyq shekaralas memleketterde jaǵdai qalypqa kelmei jatyr. Aýrý juqtyrý jaǵdailary jii baiqalady. Mysaly Máskeýde karantindik sharalar kúsheitilýde. Buryn karantindi jeńildetken elder qaitadan kúsheitý engizip jatyr. Onyń ústine JRVI, sýyq tiiý siiaqty maýsymdyq aýrýlar bastalady. Qaýip-qater óte joǵary, sondyqtan jeńildik týraly árbir sheshimdi qabyldarda barlyǵyn muqiiat jáne jan-jaqty zertteý kerek», - dep jaýap berdi Qiiasov.
Aita keteiik, QR Bas memlekettik sanitar dárigeriniń qaýlysymen qazannyń 5-inen 6-syna qaraǵan túni áýejailar halyqaralyq reis jolaýshylaryn jańa erejede qabyldai bastaidy. Jolaýshylarǵa saýalnama, termometriia jáne PTR anyqtama mindetteledi.
Osy oraida astanalyq áýejai jańa kúsheitilgen talaptarda qalai jumys isteitinin kórsetti.
