Elimizde «Qazaqstan sportyn transformatsiialaý» jobalyq keńsesi quryldy, dep habarlaidy "Ult aqparat" MSM silteme jasap.
Mádeniet jáne sport ministri Aqtoty Raiymqulovanyń bastamasymen qurylǵan jobalyq keńseni basqarýǵa Qambar Omarov taǵaiyndaldy.
Oǵan QR Mádeniet jáne sport ministrliginiń Sport jáne dene shynyqtyrý isteri komiteti, sondai-aq Tursynǵali Edilov, Vasilii Jirov, Aleksandr Vinokýrov, Eldos Smetov, Islam Baimuhanova, Iýrii Melnichenko, Aidar Mahmetov, Baqtiiar Artaev syndy ataqty sportshylar men jattyqtyrýshylar kirdi. Komandanyń quramynda 55 adam bar.
Jobanyń maqsaty – salaýatty ári sportpen ainalysatyn ultty jańǵyrtý.
Mádeniet jáne sport ministri Aqtoty Raiymqulova jobalyq keńseniń tanystyrylymynda sóz alyp, Tokioda ótken Olimpiadanyń nátijesin úzdik deýge áli erte ekenin aitty.
«Qazir bárimiz de kútiletin nátije men suranystyń artqanyn sezinemiz. Degenmen qai-qaisymyz da sporttyq áleýetimiz bar ekenine senimdimiz, ony tek damytý qajet», – dedi ministr.
Aqtoty Raiymqulova eń aldymen ár sport túrine tereń taldaý qajet ekenin de aityp, nazardan tys qaldyrǵan joq.
«Biz Olimpiadada nelikten tómen nátije kórsetkenimizdi, onyń naqty sebebin anyqtaýymyz kerek. Taldaý nátijelerine súiene otyryp, Qazaqstanda sporttyń tolyq transformatsiiasyn qalai tiimdi qurý bolatynyn túsinemiz. Biz úlken maqsat- mindetterdi belgiledik, endi olardy bárimiz birge júzege asyrýymyz kerek. Óz qyzmetimizdiń aspektilerin jaqsartý úshin áreketke kóshýimiz qajet», – dedi ministr.
Budan ári qarai ministr naqty usynystaryn aitty.
«Bizge adamnyń ál-aýqaty men densaýlyǵyna nuqsan kelmeitindei tutas transformatsiia qajet, jańa tehnologiialardy qoldanýymyz kerek», – dep túiindedi ministr.
«Qazaqstan sportyn transformatsiialaý» jobalyq keńsesiniń úilestirýshisi, ulttyq jobalyq keńseniń jetekshisi Arman Evniev jobalardy basqarýdyń jai ǵana qural ekenin, bul óz aldyna jeke maqsat emes ekenin aitty.
«Jobalyq menedjment – maqsatyna halyq densaýlyǵy, buqaranyń kópshilik dene shynyqtyrýy, sporttaǵy joǵary jetistikter kiretin qural. Negizinde bul – yntalandyrý. Biz jobany basqarýdy qural retinde qarastyramyz, al jobalyq keńse – bul bári ashyq ótetin aiqyn alań. Biz alǵa qoiylǵan maqsattardy kelisip, alǵa júrip kelemiz. Bul – 2025 jylǵa deiingi qoǵamdy damytýdyń ulttyq josparyn júzege asyrýdyń quraly. Endigi mindet – qoǵam men memlekettiń ózara árekettesýin uiymdastyrý. Iá, aqsha bólingende, tiimdiliktiń negizgi kórsetkishteri shyqqan kezde artta qalýshylyq boldy, degenmen tutastai alǵanda bytyrańqylyq boldy.
Jobalyq menedjment bizge naqty portfel – baǵdarlama týraly túsinik beredi. Mysaly, joǵary jetistikter sportyn alaiyq, munda ár baǵdarlama jobalar tobyna bólinedi. Biraq biryńǵai strategiia bar jáne ár joba, saiyp kelgende, birtutas pazlǵa ainalady. 10 strategiialyq basymdyq jáne 18 indikator bar.
Ortalyq jáne jergilikti memlekettik organdardyń damý josparlary. Mundai tiptik qurylym árbir ortalyq jáne jergilikti organda bar. Barlyq ministrlik, barlyq agenttik osy qurylymmen jumys isteidi. Tiptik ereje bar. Joǵarydan jáne ár aýylǵa deiin barlyq másele qaralady. Normativtik baza bar jáne sol boiynsha jumys isteý qajet. Ákimniń ár orynbasary ózine senip tapsyrylǵan indikatorǵa jaýap beredi.
Mine, jobany basqarýdyń revoliýtsiialyq ádisi – skram-grafik. Aptalyq sprint qoldanylady. Aptasyna bir ret biz barlyǵymen bailanysqa shyǵamyz. Qazaqstanda 160 federatsiia bar, jobalyq keńsege biz tek olimpiadalyq sport túrleri boiynsha engizdik. Bul HQKO siiaqty jumys isteidi, biz zańnamalyq tetikterdi, qarjylandyrýdy ázirleimiz.
Depýtat Irina Smirnova sózden góri naqty isterge kóshý kerek degen ustanymyn bildirdi.
«Biz damýdyń qai tusynda ekenimizdi naqty bilýimiz kerek! SWOT taldaýyn jasaý qajet. Balalar sportynda bizde sybailas jemqorlyq, alaiaqtyq damyp jatqanyn jáne ol aqsha usynatyn ata-analardyń esebinen jumys isteitinin moiyndaý kerek. Eger Almaty qalasy boiynsha buryn 36 balalar mektebi bolsa, qazir olardyń onynda ǵana óz ǵimaraty bar, qalǵandary jalǵa berilgen. Bir jalǵa alýshy ekinshisine, ol úshinshi jalǵa alýshyǵa beredi. Basseinder de jalǵa beriledi. Sybailas jemqorlyq barlyq sport túrin sharpydy. Italiialyqtar Taldyqorǵanda 20 mlrd teńgege halyqaralyq deńgeidegi bassein saldy, alaida shyn máninde talapqa sai emes. Tramplindermen de solai. Shynaiy ómir súrýimiz kerek – biz siiaqty aqsha jumsamaǵan Qyrǵyzstannyń qalai óner kórsetkenin qarańyzdar. Bizdiń bapkerler ketken Ózbekstan, olarǵa laiyqty deńgeidi qamtamasyz ete almadyq, kóptegen qatelikter jiberdik. Memlekettik aqsha quiý marafonyn jasap kettik. Memleket barlyǵyn qarjylandyrýy mindetti emes! Azamattyq qoǵamǵa súiený kerek! Men jeke sport mektepterin qoldaimyn», – dep túiindedi depýtat I. Smirnova.
«Qazaqstan sportyn transformatsiialaý» jobasynyń jetekshisi, CSI group konsalting kompaniiasynyń basqarýshy seriktesi, «QazAqparat» direktorlar keńesiniń múshesi, MSM jobalyq keńsesiniń ahýaldyq-taldaý ortalyǵynyń basshysy Qambar Omarov aqshanyń qaida túsip jatqanyn anyqtaý qajettigine nazar aýdardy. Onyń pikirinshe, strategiialyq basqarýdy engize otyryp, zańnamany jetildirý qajet. Búginde 7 baǵyt ázirlendi.
Vista sport klýby JShS bas direktory Aleksandr Raznikovtyń aitýynsha, jekemenshik sport mektepterin kóbirek ashý kerek. Onyń mektebinde balalar tegin fýtbol, basketbol oinap, taýǵa órmeleýge jattyǵady. Aleksandr Raznikov jasóspirimder sportynda jetistikter bolýyn mindetteý kerek dep sanaidy.
Ol sondai-aq infraqurylym máselesin qozǵady. Infraqurylymnyń joq ekenin alǵa tartty. Kóptegen balalar men jasóspirimder sport mektepteri irikteýden ótpegen balalardy qabyldaidy.
Talqylaý barysynda taǵy birneshe usynys kelip tústi. Olardyń birin Damý strategiiasy men syrtqy bailanystar jónindegi jobalar tobynyń jetekshisi, Qoldanbaly etnopolitikalyq zertteýler institýtynyń direktory, QR Prezidenti janyndaǵy Ulttyq qoǵamdyq senim keńesi múshesi, saiasat ǵylymdarynyń kandidaty Talǵat Qaliev aitty.
Ol demalys kúnderi de fitnes-klýbtardyń jumys isteýin usyndy. Onyń pikirinshe, eńbek pen qorǵanysqa daiyndyq normalaryn qaita jańǵyrtyp, jappai sportpen ainalysýǵa yntalandyrý qajet. Belgi iegerleri úshin ýniversitetke grant alý kezinde artyqshylyqtardy qarastyrý da kerek. Budan ári Talǵat Qaliev meditsinalyq saqtandyrýdyń paidalanylmaǵan aqshasyn turmysy tómen otbasylardan shyqqan balalardyń sportpen shuǵyldanýy úshin jeke sport klýbtaryna kómekke jiberýdi usyndy.
QR UOK Ulttyq sport túrleri direktsiiasynyń basshysy Elsiiar Qanaǵatov 2018 jyly barlyq óńir boiynsha problemalarǵa jáne olardy sheshý joldaryna taldaý júrgizilgenine nazar aýdardy.
«Biz buqaralyq sport pen sport rezervterin damytýǵa múddelimiz. Nege biz aýyldyq jerde sportshylardy daiyndaityn, aýyldyq jarystar ótkizetin respýblikalyq aýyldyq klýb qurmaimyz?» – dedi ol.
