Foto: ashyq derekkóz
Ekologiia jáne tabiǵi resýrstar ministrligi el aýmaǵynda qasqyr sanynyń artqanyn aitty, dep habarlaidy "Ult aqparat" El.kz aqparat agenttigine silteme jasap.
Vedomstvonyń málimetinshe, qazirgi ýaqytta qasqyrlar sanynyń shamaly ósýi baiqalady (2022 jyly - 13819 jáne 2023 jyly - 15181).
Vedomstvo qasqyr men aiýlardy atý múmkindigine qatysty da pikir bildirdi.
"Janýarlar dúniesin qorǵaý, ósimin molaitý jáne paidalaný týraly" Qazaqstan Respýblikasy Zańynyń 29-babynyń 1-tarmaǵyna jáne 45-babyna sáikes janýarlar dúniesi obektilerin alyp qoiý limiti janýarlar dúniesi obektileriniń sanyn esepke alý materialdary, olardyń mekendeý ortasy, ǵylymi zertteýler monitoringi negizinde daiyndalǵan biologiialyq negizdemege sáikes aiqyndalady jáne ony ýákiletti organ bekitedi. Janýarlar túrleriniń sanyn retteý biologiialyq negizdemege sáikes júrgiziledi", - dep habarlady Ekologiia ministrligi.
2023 jylǵa arnalǵan biologiialyq negizdemege sáikes 124 qońyr aiýdy alyp qoiýǵa jáne 4383 qasqyrdy retteýge kvota belgilendi.
Al biylǵa 176 qońyr aiýdy (Tianshan aiýynan basqa) alyp qoiýǵa jáne 5947 qasqyrdy retteýge kvota belgilendi. Aiýlar men qasqyrlardyń sany artqan jaǵdaida olardy atýǵa arnalǵan limit ǵylymi usynystarǵa súienip arttyrylýy múmkin.
