Kásipkerler infokazakhstan.kz saityna kirý arqyly ruqsattama alyp, jumysyn bastaýǵa múmkindik alady. Bul týraly Ortalyq kommýnikatsiialar qyzmetinde ótken Qazaqstanda karantindik sharalardy kezeń-kezeńmen jeńildetý týraly onlain brifingte aityldy, dep habarlaidy "Ult aqparat".
«Keshe Úkimet basshysynyń basqarýymen memlekettik komissiianyń jumysy bolyp ótti. Onda qabyldanǵan eń basty sheshim - karantindik sharalardy jumsartý týraly boldy», - deidi Atameken Ulttyq kásipkerler palatasy basqarma tóraǵasynyń birinshi orynbasary Eldar Jumaǵaziev.
Onyń aitýynsha, 830 myńǵa jýyq biznes osy kúnge deiin jumys istemei turdy.
«Bul shamamen 1,3 mln adamǵa qatysty. Qabyldanǵan sharalarǵa bailanysty 17 tamyzdan bastap kóp biznes túri jumys isteýge múmkindik alady. Kásipkerler jumysqa shyqqannan keiin qandai jumys algoritmi talap etiledi, osy týraly úsh aptaǵa jýyq biznestiń daiarlyq assotsiatsiialarymen talqyladyq. 3-4 kúnde sheshim qabyldandy. Eń bastysy - «Atameken» UKP qoldaýymen infokazakhstan.kz saity iske qosyldy. Jumysqa shyǵatyn kásipkerler osy saitqa tirkelip, ruqsatnamasyn alyp, jumys isteýge múmkindigi bar», - deidi ol.
