Volonterlik qyzmetti damytý azamattyq qoǵamnyń qalyptasýyna yqpal etetin úlken kúsh. Eldiń áleýmettik-ekonomikalyq damýyna oń áserin tigizedi, áleýmettik mańyzdy máselelerdi sheshýge kómektesedi.
Qazaq halqynyń «Asarynyń» búgingi jalǵasy, muqtaj jandarǵa járdemdesý, qoǵamdy jaqsartýǵa arnalǵan san joldardy paidala otyryp, óz kózqarasyn jetkizý joly. Búgingi kúni elimizde úlken qalalar men aýyldardy eseptegende 200-den astam volonterlik uiymdar bar.
Búgingi kúni volonterlik baǵyttary keńip, túrli sala mamandaryn biriktiretin bul uǵym ómir súrý stiline ainalyp úlgerdi. Jas ulan uiymy óz bastaýyn alǵan kezden bastap, jastar men jasóspirimderge osy moraldik qaǵidany ustap, qoǵam igiligine qyzmet kórsetýdi dáriptep keledi. Qyzmettik jolynda túrli volonterlik sharalar men jobalar uiymdastyryp, tipti mýltfilm men ertegi shyǵaryp ta úlgerdi.
Biyl «Jas ulan» uiymy taǵy da bir úlken jobany júzege asyrýda. Ol QR Aqparat jáne qoǵamdyq damý ministrliginiń qoldaýymen jáne «Azamattyq bastamalardy qoldaý ortalyǵy» KEAQ birlesken «Birgemiz: Bilim» jalpyulttyq jobasy.
Joba qundylyǵy elimiz boiynsha bilim salasynyń volonterlerine ortaq alań qurý, ortaq jumys uiymdastyrý, ár óńirge ásirese aýyldyq mekenderge volonterlik kómek kórsetý.
Jumyla kótergen júk jeńil demekshi, 2000 volonterdi arnaiy oqytýdan ótkizip, biliktilikterin arttyrý jáne osy biliktilikterimen halyqtyń túrli toptary úshin tsifrlyq, qarjylyq, tildik, kompiýterlik saýattylyq salasynda oqytý is-sharalaryn, sheberlik synyptaryn, seminar-treningter ótkizý.
Zaman aǵymyna sáikes bul baǵyttar úlken suranysqa ie jáne jiti meńgerýdi talap etedi. Joba aiasynda keminde 5000 adamǵa volonterlik kómek kórsetý josparlanyp otyr.
Volonterler úshin bul óz biliktilikterin arttyrýmen qatar, bilim berý baǵytyndaǵy oilaryn, jańa baǵyttardy talqylaý men júzege asyrý boiynsha úlken platforma.
Joǵaryda atalǵan baǵyttar boiynsha maman bolsańyz, Sizdi osy joba alańynyń múshesi atanýǵa shaqyramyz.
