Foto: pexels.com
Qazaqstanda avtomattandyrylǵan jumys ornyn engizip, eńbek jáne ujymdyq sharttar jasasýdyń tsifrlyq formatyna kóshý josparlanyp otyr. Bul týraly eńbek jáne halyqty áleýmettik qorǵaý ministri Svetlana Jaqypova aitty, dep habarlaidy "Qazaqparat" HAA.
"Bizdiń basymdyqtarymyzdyń biri – eńbek qatynastaryn deklaratsiialaý. Birinshiden, kásipodaqtardyń avtomattandyrylǵan jumys ornyn engizip, eńbek jáne ujymdyq sharttar jasasýdyń tsifrlyq formatyna kóshý josparlanýda. Osy zańnyń tiisti jobasy ázirlenip, qazan aiynyń sońyna deiin sizderdiń qaraýyńyzǵa engiziledi", - dedi ministr Májiliste "Qazaqstannyń eńbek naryǵyn damytý jáne kadrlyq áleýetin nyǵaitý" atty Úkimet saǵatynda.
Onyń aitýynsha, pilottyq rejimde elektrondy formatta 8,7 myńnan astam eńbek sharty jasalǵan. Jumyskerlerdiń quqyqtaryn qorǵaýǵa kómektesetin 8 myń ujymdyq shart týraly derekter ministrliktiń aqparattyq júiesine engizildi.
Ekinshiden, elektrondyq shtattyq keste jobasy iske asyrylýda – bul aqparattyq júielerdegi barlyq jumys oryndaryn kodtaidy, eńbek resýrstaryn, jumys oryndaryn qurý jáne eńbek jaǵdailaryn qalyptastyrý protsesin dál esepke alýǵa múmkindik beredi.
"Úshinshiden, ońailatylǵan tirkeý rásimin engize otyryp, platformalyq jumyspen qamtýdy retteý zańnamalyq túrde engizildi. Pilottyq joba aiasynda 19 myńnan astam taksi júrgizýshisi qosylyp, 20 mln astam fiskaldyq chek jazyldy. Bul – platformalyq jumysshylardy áleýmettik jáne zeinetaqymen qamsyzdandyrý júiesine zańdastyrý men integratsiialaýdyń mańyzdy qadamy", - dedi eńbek ministri.
