Aldyn ala boljam boiynsha, 1 600 000 adam kommýnaldyq qyzmetterdi tóleýge kómek alady. Bul týraly Ortalyq kommýnikatsiialar qyzmetinde ótken baspasóz konferentsiiasynda aityldy, dep habarlaidy QazAqparat.
«Kómek qaǵidada kórsetilgen sanattarǵa jatatyn, kommýnaldyq qyzmet kórsetýshilermen óz atynan kelisimshart jasaǵan jáne karantin engizilgen eldi mekende turatyn adamdardyń barlyǵyna kórsetiledi. Múgedek bala tárbielep otyrǵan jáne kópbalaly otbasylar, memlekettik jáne qoǵamdyq qyzmetin, áskeri boryshyn ótip júrgen kezde qaza tapqan adamdardyń otbasy músheleriniń biriniń qyzmet kórsetýshilermen sharty bolýy tiis», - deidi qurylys jəne turǵyn úi-kommýnaldyq sharýashylyq isteri komiteti tóraǵasynyń orynbasary Beibit Shahanov.
Onyń aitýynsha, kommýnaldyq qyzmetter úshin tóleitin qyzmetaqy 30 myńnan az bolsa, artylǵan aqsha kelesi aidyń kommýnaldyq qyzmetterine tólenedi.
«Budan basqa, búgingi tańda joǵaryda kórsetilgen sanattarǵa jatatyn adamdarmen birge turatyn otbasy múshelerine kommýnaldyq qyzmet shyǵynyn óteý jóninde ózgeris engizý máselesi pysyqtalyp jatyr. Eger osy kómekti alýǵa quqyly adam páter jaldap tursa, ákimdik olarǵa kommýnaldyq qyzmetterdi tóleý múmkindigin qarastyrady. Aldyn ala boljam boiynsha, 1 600 000 adam osyndai kómek túrin alady», - deidi ol.
