93 mektep internetke múldem qosylmai qalǵan. Bul týraly QR Parlamenti Májilisi tóraǵasynyń orynbasary Gúlmira Isimbaeva Úkimet saǵatynda málim etti, dep habarlaidy QazAqparat.
«Elimizdiń orta bilim berý salasynda 3 jyldan asa ýaqyt ishinde jańa mektepter salynyp, jańartylǵan mazmunǵa kóshý jalǵasyp jatyr. Bul baǵytta aýqymdy jumystar atqaryldy. Degenmen, jetildirýdi qajet etetin máseleler joq emes. Apattyq jaǵdaidaǵy mektepter men úsh aýysymda oqytatyn mektepterdiń problemasy sheshilmei keledi. Búgingi kúni olardyń sany 160-tan asady. Sondyqtan memlekettik baǵdarlamadan úsh aýysymdy jáne apattyq jaǵdaida turǵan mektepter kórsetkishin alyp tastaǵan ministrliktiń áreketi negizsiz bolyp otyr. Onyń ústine bul – «NurOtan» partiiasynyń sailaýaldy baǵdarlamasynda belgilengen mindet», - G. Isimbaeva Bilim berýdi jáne ǵylymdy damytýdyń 2016-2019 jyldardaǵy baǵdarlamanyń iske asyrylýyna arnalǵan Májilistegi Úkimet saǵatynda.
Onyń sózine qaraǵanda, mektepterdi jyldamdyǵy sekýndyna 4 megabit bolatyn keń jolaqty internetpen qamtamasyz etý kórsetkishi de artyǵymen oryndalǵan.
«Biraq 93 mektep internetke múldem qosylmai qalǵan. Internettiń jyldamdyǵy málimdelgen jyldamdyqtan áldeqaida tómen mektepter de az emes», - dedi Májilis tóraǵasynyń orynbasary.
Budan bólek ol dýaldy oqytý tiisti deńgeide damymaǵandyǵyna toqtaldy. Baǵdarlamaǵa sáikes, dýaldy oqytýmen qamtylǵan kolledjder sany óskenimen, kolledj stýdentterin dýaldy oqytýmen qamtý deńgeii áli de tómen, iaǵni 19,8 paiyzdyq deńgeide qalyp qoiǵan. Al, dýaldy oqytýdyń negizgi mindeti - stýdentterdiń kásiptik deńgeii men praktikaǵa baǵdarlaný dárejesin arttyrý bolyp tabylady.
