93 مەكتەپ ينتەرنەتكە مٷلدەم قوسىلماي قالعان. بۇل تۋرالى قر پارلامەنتٸ مەجٸلٸسٸ تٶراعاسىنىڭ ورىنباسارى گٷلميرا يسيمباەۆا ٷكٸمەت ساعاتىندا مەلٸم ەتتٸ, دەپ حابارلايدى قازاقپارات.
«ەلٸمٸزدٸڭ ورتا بٸلٸم بەرۋ سالاسىندا 3 جىلدان اسا ۋاقىت ٸشٸندە جاڭا مەكتەپتەر سالىنىپ, جاڭارتىلعان مازمۇنعا كٶشۋ جالعاسىپ جاتىر. بۇل باعىتتا اۋقىمدى جۇمىستار اتقارىلدى. دەگەنمەن, جەتٸلدٸرۋدٸ قاجەت ەتەتٸن مەسەلەلەر جوق ەمەس. اپاتتىق جاعدايداعى مەكتەپتەر مەن ٷش اۋىسىمدا وقىتاتىن مەكتەپتەردٸڭ پروبلەماسى شەشٸلمەي كەلەدٸ. بٷگٸنگٸ كٷنٸ ولاردىڭ سانى 160-تان اسادى. سوندىقتان مەملەكەتتٸك باعدارلامادان ٷش اۋىسىمدى جەنە اپاتتىق جاعدايدا تۇرعان مەكتەپتەر كٶرسەتكٸشٸن الىپ تاستاعان مينيسترلٸكتٸڭ ەرەكەتٸ نەگٸزسٸز بولىپ وتىر. ونىڭ ٷستٸنە بۇل – «NurOtan» پارتيياسىنىڭ سايلاۋالدى باعدارلاماسىندا بەلگٸلەنگەن مٸندەت», - گ. يسيمباەۆا بٸلٸم بەرۋدٸ جەنە عىلىمدى دامىتۋدىڭ 2016-2019 جىلدارداعى باعدارلامانىڭ ٸسكە اسىرىلۋىنا ارنالعان مەجٸلٸستەگٸ ٷكٸمەت ساعاتىندا.
ونىڭ سٶزٸنە قاراعاندا, مەكتەپتەردٸ جىلدامدىعى سەكۋندىنا 4 مەگابيت بولاتىن كەڭ جولاقتى ينتەرنەتپەن قامتاماسىز ەتۋ كٶرسەتكٸشٸ دە ارتىعىمەن ورىندالعان.
«بٸراق 93 مەكتەپ ينتەرنەتكە مٷلدەم قوسىلماي قالعان. ينتەرنەتتٸڭ جىلدامدىعى مەلٸمدەلگەن جىلدامدىقتان ەلدەقايدا تٶمەن مەكتەپتەر دە از ەمەس», - دەدٸ مەجٸلٸس تٶراعاسىنىڭ ورىنباسارى.
بۇدان بٶلەك ول دۋالدى وقىتۋ تيٸستٸ دەڭگەيدە دامىماعاندىعىنا توقتالدى. باعدارلاماعا سەيكەس, دۋالدى وقىتۋمەن قامتىلعان كوللەدجدەر سانى ٶسكەنٸمەن, كوللەدج ستۋدەنتتەرٸن دۋالدى وقىتۋمەن قامتۋ دەڭگەيٸ ەلٸ دە تٶمەن, ياعني 19,8 پايىزدىق دەڭگەيدە قالىپ قويعان. ال, دۋالدى وقىتۋدىڭ نەگٸزگٸ مٸندەتٸ - ستۋدەنتتەردٸڭ كەسٸپتٸك دەڭگەيٸ مەن پراكتيكاعا باعدارلانۋ دەرەجەسٸن ارتتىرۋ بولىپ تابىلادى.
