Ettiń kóterme baǵasy jýyrda arzandaýy múmkin, dep habarlaidy Ulysmedia.kz.
LS portalynyń jazýynsha, mundai boljamdy Qazaqstan Et odaǵynyń múshesi Maqsut Baqtybaev aitty. Onyń sózinshe, tamyzdan qazanǵa deiin mal soiý kezeńi bastalady. Sonda kóterme saýda baǵasy shamamen 100-200 teńgege arzandaidy. Qazirgi ýaqytta siyr etiniń kelisi aimaqqa bailanysty 1,8 myń teńgeden 2,1 myń teńgege deiin saýdalanýda.
"Jyl basynan beri et shamamen 5-6%-ǵa qymbattady. Jeltoqsanǵa qarai infliatsiia deńgeii boiynsha nemese aǵymdaǵy kórsetkishterden 100 teńgege jýyq ósim kútiledi. Ázirge kóterme ónim qunynyń kúrt ósýine sebep joq, óitkeni biyl jaýyn-shashyn jaman emes, jem baǵasy da qalypty", - dep naqtylady Baqtybaev.
Odaq ókili bólshek saýda qunyna deldaldar áser etetinin atap ótti. Sonymen qatar, onyń aitýynsha, memlekettiń sharalary jaǵdaidy aitarlyqtai túzetpeidi. Kerisinshe, sarapshynyń pikirinshe, fermerlerge qatysty jaǵymsyz áser baiqalady.
"Memleket deldaldar tizbegin emes, tek uiymdasqan sharýashylyqtardy retteýge tyrysady. Máseleni sheshý úshin aqsha salý, fermerlerdiń bazarlaryn ashý, jetkizilim tizbegin qurý qajet. Tek kóterme saýda ortalyqtarymen ainalysýǵa bolmaidy, fermerge ónimderdi tikelei sórelerge jetkizýge múmkindik jasaý qajet. Bul bir apta ishinde sheshilmeidi, eki-úsh jyl qajet", – dedi Baqtybaev.
