ەتتٸڭ كٶتەرمە باعاسى جۋىردا ارزانداۋى مٷمكٸن, دەپ حابارلايدى Ulysmedia.kz.
LS پورتالىنىڭ جازۋىنشا, مۇنداي بولجامدى قازاقستان ەت وداعىنىڭ مٷشەسٸ ماقسۇت باقتىباەۆ ايتتى. ونىڭ سٶزٸنشە, تامىزدان قازانعا دەيٸن مال سويۋ كەزەڭٸ باستالادى. سوندا كٶتەرمە ساۋدا باعاسى شامامەن 100-200 تەڭگەگە ارزاندايدى. قازٸرگٸ ۋاقىتتا سيىر ەتٸنٸڭ كەلٸسٸ ايماققا بايلانىستى 1,8 مىڭ تەڭگەدەن 2,1 مىڭ تەڭگەگە دەيٸن ساۋدالانۋدا.
"جىل باسىنان بەرٸ ەت شامامەن 5-6%-عا قىمباتتادى. جەلتوقسانعا قاراي ينفلياتسييا دەڭگەيٸ بويىنشا نەمەسە اعىمداعى كٶرسەتكٸشتەردەن 100 تەڭگەگە جۋىق ٶسٸم كٷتٸلەدٸ. ەزٸرگە كٶتەرمە ٶنٸم قۇنىنىڭ كٷرت ٶسۋٸنە سەبەپ جوق, ٶيتكەنٸ بيىل جاۋىن-شاشىن جامان ەمەس, جەم باعاسى دا قالىپتى", - دەپ ناقتىلادى باقتىباەۆ.
وداق ٶكٸلٸ بٶلشەك ساۋدا قۇنىنا دەلدالدار ەسەر ەتەتٸنٸن اتاپ ٶتتٸ. سونىمەن قاتار, ونىڭ ايتۋىنشا, مەملەكەتتٸڭ شارالارى جاعدايدى ايتارلىقتاي تٷزەتپەيدٸ. كەرٸسٸنشە, ساراپشىنىڭ پٸكٸرٸنشە, فەرمەرلەرگە قاتىستى جاعىمسىز ەسەر بايقالادى.
"مەملەكەت دەلدالدار تٸزبەگٸن ەمەس, تەك ۇيىمداسقان شارۋاشىلىقتاردى رەتتەۋگە تىرىسادى. مەسەلەنٸ شەشۋ ٷشٸن اقشا سالۋ, فەرمەرلەردٸڭ بازارلارىن اشۋ, جەتكٸزٸلٸم تٸزبەگٸن قۇرۋ قاجەت. تەك كٶتەرمە ساۋدا ورتالىقتارىمەن اينالىسۋعا بولمايدى, فەرمەرگە ٶنٸمدەردٸ تٸكەلەي سٶرەلەرگە جەتكٸزۋگە مٷمكٸندٸك جاساۋ قاجەت. بۇل بٸر اپتا ٸشٸندە شەشٸلمەيدٸ, ەكٸ-ٷش جىل قاجەت", – دەدٸ باقتىباەۆ.
