- Búgin Qazaqstanda ýtilizatsiialaý baǵdarlamasy aiasynda eski kólikterdi qabyldaý jumystary bastaldy. Ol úshin respýblikanyń 17 qalasynda qabyldaý beketteri ashyldy, dep xabarlaidy Ult.kz tilshisi QazAqparat agenttigine silteme jasap.
"ÓKM (óndirýshilerdiń keńeitilgen mindettemeleri) Operatory" JShS basqarýshy direktory Rýstam Temirbekovtiń aitýynsha, jyldyń aiaǵyna deiin 10 myń kólikti qabyldaý jospary bar. Oǵan biýdjetten kvota, iaǵni tiisti qarajat bólinip otyr. Baǵdarlama aiasynda 3,5 tonnadan aspaityn jeńil kólikter qabyldanady. Al ýtilizatsiialyq tólemniń kólemi avtomobildiń texnikalyq jaǵdaiyna qarai belgilenedi. Tolyq komplektatsiiasyna 150 000 teńge berilse, isten shyqqan kólikter úshin 48 000 teńge tólenedi. Qazirgi kezde respýblika boiynsha 17 qalada qabyldaý beketteri jasaqtaldy.
"Eski kólikti tapsyrý úshin aldymen sol aimaqta kvotanyń bar joǵyn tekserip alý qajet. Sondai-aq www.avto.recycle.kz saitynan kóliktiń qai sanatqa jatatynyn bilýge múmkindik bar. Endi, dál qazir biz esikti bólek, shanaqty bólek eseptep jatqan joqpyz. Ázirshe, eki-aq kategoriia bar. Ol - 150 jáne 48 myń teńgeniń ótemaqysy", - deidi R.Temirbekov.
Onyń sózine qaraǵanda, baǵdarlama aiasynda eski kólikti qabyldaý beketine deiin jetkizý qyzmeti qarastyrylmaǵan. Sondyqtan kólik iesi ony óz kúshimen alyp kelýi tiis. Alaida keibir jerlerde eski kólikterdi jinap, birden qabyldaý beketine jetkizýge nietti kásipkerler bar.
