Elimizde «E-Qurylys» aqparattyq júiesi tanystyryldy. Memlekettik tapsyrys pen salynyp jatqan qurylys nysandarynyń ashyqtyǵyn qamtamasyz etýdi kózdegen jańa júieniń jumysy týraly QR Indýstriia jáne infraqurylymdyq damý ministrliginiń birinshi vitse-ministri Qaiyrbek Óskenbaev aityp berdi, dep habarlaidy QazAqparat.
«Elimizde qurylys nysandarynyń salyný barysynyń ashyqtyǵyna qatysty suraqtar kóp. Kóp adamdar qurylystyń qalai júrip jatqanyn, oǵan qandai materialdar qoldynylyp jáne qansha turatynyn bile qoimaidy. Qazirgi ýaqytta nysannyń salyný barysy jýrnalǵa tirkelip, sol jerge jazylady. Iaǵni bar qolmen jazylyp kórsetiledi. Memlekettik baǵdarlama nemese memlekettik tapsyrys aiasynda turǵyzylyp jatqan qurylys nasyndarynyń ashyqtyǵyn jariia etý maqsatynda «E-Qurylys» aqparattyq júiesi ázirlendi. Qurylys nysanyna jumsalǵan árbir teńge Blockchain-platformasy arqyly aqparattyq júiede kórinip turady. Nátijesinde biýdjetten jumsalǵan qarjynyń ashyqtyǵyna kóz jetkizý múmkindigi týady», - dedi Q. Óskenbaev baspasóz máslihatynda.
Vitse-ministrdiń aitýynsha, búginde jańa júie memlekettik baǵdarlama aiasynda salynyp jatqan qurylys nysandarynda qoldanylady. Al tolyqtai «E-Qurylys» aqparattyq júiesi kelesi jyldan bastap iske qosylady.
«Sonymen qatar, aqparattyq júiede qoldanylyp jatqan qurylys materialdarynyń tizimi, baǵasy men onyń sipattamasy kórinip turady. Osylaisha qurylys salasyn avtomattandyra otyryp, ashyqtyqty qamtamasyz etpekpiz», - deidi ol.
