ەلٸمٸزدە «ە-Qurylys» اقپاراتتىق جٷيەسٸ تانىستىرىلدى. مەملەكەتتٸك تاپسىرىس پەن سالىنىپ جاتقان قۇرىلىس نىساندارىنىڭ اشىقتىعىن قامتاماسىز ەتۋدٸ كٶزدەگەن جاڭا جٷيەنٸڭ جۇمىسى تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ بٸرٸنشٸ ۆيتسە-مينيسترٸ قايىربەك ٶسكەنباەۆ ايتىپ بەردٸ, دەپ حابارلايدى قازاقپارات.
«ەلٸمٸزدە قۇرىلىس نىساندارىنىڭ سالىنۋ بارىسىنىڭ اشىقتىعىنا قاتىستى سۇراقتار كٶپ. كٶپ ادامدار قۇرىلىستىڭ قالاي جٷرٸپ جاتقانىن, وعان قانداي ماتەريالدار قولدىنىلىپ جەنە قانشا تۇراتىنىن بٸلە قويمايدى. قازٸرگٸ ۋاقىتتا نىساننىڭ سالىنۋ بارىسى جۋرنالعا تٸركەلٸپ, سول جەرگە جازىلادى. ياعني بار قولمەن جازىلىپ كٶرسەتٸلەدٸ. مەملەكەتتٸك باعدارلاما نەمەسە مەملەكەتتٸك تاپسىرىس اياسىندا تۇرعىزىلىپ جاتقان قۇرىلىس ناسىندارىنىڭ اشىقتىعىن جارييا ەتۋ ماقساتىندا «ە-Qurylys» اقپاراتتىق جٷيەسٸ ەزٸرلەندٸ. قۇرىلىس نىسانىنا جۇمسالعان ەربٸر تەڭگە Blockchain-پلاتفورماسى ارقىلى اقپاراتتىق جٷيەدە كٶرٸنٸپ تۇرادى. نەتيجەسٸندە بيۋدجەتتەن جۇمسالعان قارجىنىڭ اشىقتىعىنا كٶز جەتكٸزۋ مٷمكٸندٸگٸ تۋادى», - دەدٸ ق. ٶسكەنباەۆ باسپاسٶز مەسليحاتىندا.
ۆيتسە-مينيستردٸڭ ايتۋىنشا, بٷگٸندە جاڭا جٷيە مەملەكەتتٸك باعدارلاما اياسىندا سالىنىپ جاتقان قۇرىلىس نىساندارىندا قولدانىلادى. ال تولىقتاي «ە-Qurylys» اقپاراتتىق جٷيەسٸ كەلەسٸ جىلدان باستاپ ٸسكە قوسىلادى.
«سونىمەن قاتار, اقپاراتتىق جٷيەدە قولدانىلىپ جاتقان قۇرىلىس ماتەريالدارىنىڭ تٸزٸمٸ, باعاسى مەن ونىڭ سيپاتتاماسى كٶرٸنٸپ تۇرادى. وسىلايشا قۇرىلىس سالاسىن اۆتوماتتاندىرا وتىرىپ, اشىقتىقتى قامتاماسىز ەتپەكپٸز», - دەيدٸ ول.
