2021 jyly qańtar aiynyń sońynda dollarlandyrý deńgeii 37,1% boldy, dep habarlaidy "Ult aqparat".
Ulttyq banktiń málimetinshe, rezidentterdiń depozittik uiymdardaǵy depozit kólemi 2021 jyly qańtardyń sońynda bir aida 2,7%-ǵa ulǵaiyp, 22 675,7 mlrd teńgeni qurady. Zańdy tulǵalardyń depozitteri bir aida 11 944,0 mlrd teńgege deiin 5,7%-ǵa ósti, jeke tulǵalardyń depozitteri 10 731,7 mlrd teńgege deiin 0,6%-ǵa tómendedi.
«Ulttyq valiýtadaǵy depozitter kólemi bir aida 14 270,9 mlrd teńgege deiin 3,0%-ǵa, shetel valiýtasynda - 8 404,8 mlrd teńgege deiin 2,1%-ǵa ulǵaidy. Dollarlandyrý deńgeii 2021 jyly qańtardyń sońynda 37,1% (2020 jylǵy jeltoqsanda - 37,3%) boldy»,-dep habarlady Ulttyq bankten.
Zańdy tulǵalardyń ulttyq valiýtadaǵy depozitteri 2021 jyly qańtarda 7 720,8 mlrd teńgege deiin 7,2%-ǵa, shetel valiýtasynda – 4 223,2 mlrd teńgege deiin 3,2%-ǵa (zańdy tulǵalar depozitteriniń 35,4%-y) ulǵaidy.
Jeke tulǵalardyń teńgedegi depozitteri 6 550,1 mlrd teńgege deiin 1,5%-ǵa tómendedi, shetel valiýtasynda 4 181,7 mlrd teńgege deiin 1,0%-ǵa ulǵaidy (jeke tulǵalar depozitteriniń 39,0%-y).
Merzimdi depozitterdiń kólemi bir aida 3,7%-ǵa ulǵaiyp, 15 844,0 mlrd teńge boldy. Olardyń qurylymynda ulttyq valiýtadaǵy salymdar - 10 059,2 mlrd teńge, shetel valiýtasyndaǵy salymdar 5 784,8 mlrd teńge boldy.
Banktik emes zańdy tulǵalardyń ulttyq valiýtadaǵy merzimdi depozitteri boiynsha ortasha alynǵan syiaqy mólsherlemesi 2021 jyly qańtarda 7,2% (2020 jyly qańtarda – 7,3%), jeke tulǵalardyń depozitteri boiynsha – 9,4% (9,3%) boldy.
