2021 جىلى قاڭتار ايىنىڭ سوڭىندا دوللارلاندىرۋ دەڭگەيٸ 37,1% بولدى, دەپ حابارلايدى "ۇلت اقپارات".
ۇلتتىق بانكتٸڭ مەلٸمەتٸنشە, رەزيدەنتتەردٸڭ دەپوزيتتٸك ۇيىمدارداعى دەپوزيت كٶلەمٸ 2021 جىلى قاڭتاردىڭ سوڭىندا بٸر ايدا 2,7%-عا ۇلعايىپ, 22 675,7 ملرد تەڭگەنٸ قۇرادى. زاڭدى تۇلعالاردىڭ دەپوزيتتەرٸ بٸر ايدا 11 944,0 ملرد تەڭگەگە دەيٸن 5,7%-عا ٶستٸ, جەكە تۇلعالاردىڭ دەپوزيتتەرٸ 10 731,7 ملرد تەڭگەگە دەيٸن 0,6%-عا تٶمەندەدٸ.
«ۇلتتىق ۆاليۋتاداعى دەپوزيتتەر كٶلەمٸ بٸر ايدا 14 270,9 ملرد تەڭگەگە دەيٸن 3,0%-عا, شەتەل ۆاليۋتاسىندا - 8 404,8 ملرد تەڭگەگە دەيٸن 2,1%-عا ۇلعايدى. دوللارلاندىرۋ دەڭگەيٸ 2021 جىلى قاڭتاردىڭ سوڭىندا 37,1% (2020 جىلعى جەلتوقساندا - 37,3%) بولدى»,-دەپ حابارلادى ۇلتتىق بانكتەن.
زاڭدى تۇلعالاردىڭ ۇلتتىق ۆاليۋتاداعى دەپوزيتتەرٸ 2021 جىلى قاڭتاردا 7 720,8 ملرد تەڭگەگە دەيٸن 7,2%-عا, شەتەل ۆاليۋتاسىندا – 4 223,2 ملرد تەڭگەگە دەيٸن 3,2%-عا (زاڭدى تۇلعالار دەپوزيتتەرٸنٸڭ 35,4%-ى) ۇلعايدى.
جەكە تۇلعالاردىڭ تەڭگەدەگٸ دەپوزيتتەرٸ 6 550,1 ملرد تەڭگەگە دەيٸن 1,5%-عا تٶمەندەدٸ, شەتەل ۆاليۋتاسىندا 4 181,7 ملرد تەڭگەگە دەيٸن 1,0%-عا ۇلعايدى (جەكە تۇلعالار دەپوزيتتەرٸنٸڭ 39,0%-ى).
مەرزٸمدٸ دەپوزيتتەردٸڭ كٶلەمٸ بٸر ايدا 3,7%-عا ۇلعايىپ, 15 844,0 ملرد تەڭگە بولدى. ولاردىڭ قۇرىلىمىندا ۇلتتىق ۆاليۋتاداعى سالىمدار - 10 059,2 ملرد تەڭگە, شەتەل ۆاليۋتاسىنداعى سالىمدار 5 784,8 ملرد تەڭگە بولدى.
بانكتٸك ەمەس زاڭدى تۇلعالاردىڭ ۇلتتىق ۆاليۋتاداعى مەرزٸمدٸ دەپوزيتتەرٸ بويىنشا ورتاشا الىنعان سىياقى مٶلشەرلەمەسٸ 2021 جىلى قاڭتاردا 7,2% (2020 جىلى قاڭتاردا – 7,3%), جەكە تۇلعالاردىڭ دەپوزيتتەرٸ بويىنشا – 9,4% (9,3%) بولدى.
