Elimizde koronavirýs juqtyrǵandardyń 85% densaýlyǵy qalypty jaǵdaida, 14% ortasha qalyptaǵy jaǵdaida jáne 25 syrqat aýyr hálde, al 6 syrqat óte aýyr jaǵdaida. Onyń ishinde 7 syrqat jasandy tynys alý apparatyna qosylǵan.
Bul týraly Ortalyq kommýnikatsiialar qyzmetinde eldegi koronavirýstyq infektsiiaǵa qatysty aǵymdaǵy jaǵdai jáne Qazaqstandaǵy vaktsinalardyń sapasy men satyp alý máselesine qatysty ótken brifingte aityldy, dep habarlaidy "Ult aqparat".
«Qazirgi ýaqytta koronavirýspen aýyratyn barlyǵy 4298 naýqas tirkelgen. Onyń jartysy Almaty jáne Nur-Sultan qalalarynda. 1279 naýqas emdelip, jazylyp, úilerine shyǵaryldy. Qazirgi ýaqytta statsionarda 2897 syrqat em alýda. Oladyń 85% qalypty jaǵdaida, 14% ortasha qalyptaǵy jaǵdaida jáne 25 syrqat aýyr, al 6 syrqat óte aýyr jaǵdaida. Onyń ishinde 7 syrqat jasandy tynys alý apparatyna qosylǵan», - deidi QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev.
Onyń aitýynsha, sońǵy eki aptada koronavirýspen aýyrǵandar sanynyń ósimi 7% aspaǵan.
«Al sońǵy úsh kúnde koronavirýspen aýyrǵandar sany 3%- asqan joq. Aýyrǵan 4298 adamnyń 57%-ynda aýrý skriningtik zertteý jumystaryn belsendi túrde júrgizgen kezde, 37%-ynda meditsinalyq kómekke júgingen kezde anyqtalǵan. Al shetelden juqtyryp kelgenderdiń úlesi 7,2%. Sondai-aq, bizdegi memlekettik jáne jekemenshik zerthanalar testten ótkizýde. Táýligine 19 000 test jasalsa, aidyń sońyna deiin kúnine 25 000 test júrgiziledi», - deidi ol.
